QR TJM "NNTsSNI" JShS seismikalyq stantsiialar jelisimen 2025 jylǵy 28 naýryzda Astana ýaqytymen 03:42-de jer silkinisi tirkeldi, dep habarlaidy Dalanews.kz.
Jer silkinisiniń oshaǵy Qazaqstan aýmaǵynda 323 shaqyrym jerde ornalasqan. Almaty qalasynan ońtústik-batysqa qarai.
Jambyl oblysyndaǵy jaǵdai týraly málimetter:
Eseptik qarqyndylyǵy:
Merke 5.0 b.
Qulan 4.0 b.
Shý 2.0 b.
Tóle Bi 2.0 b.
Sarykemer 2.0 b.
Taraz 2.0 b.
Qordai 2.0 b.
Asa 2.0 b.
Moiynqum 2.0 b.
Saǵat 04:30 jaǵdai boiynsha Jambyl oblysy TJD kúshteri men quraldary den qoiýǵa daiyn boldy.
«Qazseldenqorǵaý» MM mamandary ózen arnalaryna, gidrotehnikalyq qurylystarǵa, sondai-aq kóshkin qaýipti jáne sel qaýipti ýchaskelerge monitoring júrgizdi. Qosymsha JP patrýldik politsiia qyzmetkerleri tirshilikti qamtamasyz etý obektilerin yqtimal zaqymdaný mánine kózben sholyp qaraýdy júzege asyrady.
Barlyq nysandar shtattyq rejimde jumys istedi.Jedel áreket etý úshin QR TJM men TJD Komandalyq ortalyǵynda jedel jeli ashyldy: +7 7172 55-96-21.
Qazaqstannyń TJM komandalyq ortalyǵynyń bazasynda seismikalyq jaǵdaidy baqylaý boiynsha jedel shtab quryldy.
QR TJ vitse-ministri Batyrbek Ábdishevtiń tóraǵalyǵymen jumys keńesi jáne aýmaqtyq bólimshelermen beinekonferentsbailanys ótkizildi.
- Zardap shekkender týraly aqparat túsken joq
- Tirshilikti qamtamasyz etý obektileri shtattyq rejimde jumys isteidi
- Qazaqstannyń TJM jaǵdai monitoringin jalǵastyrýda
Jaǵdai turaqty. Qutqarý bólimsheleri qajet bolǵan jaǵdaida den qoiýǵa daiyn.
Jambyl oblysynda 5 himiialyq qaýipti nysan ornalasqan. Mamandar olardy zertteý úshin ózara is-qimyl uiymdastyrdy - qaýip joq.
