Áleýmettik jeliler men messendjerlerde Qonaevtan 8 shaqyrym qashyqta magnitýdasy 4,1 bolatyn jer silkinisi tirkelgeni týraly aqparat tarap jatyr, dep habarlaidy Dalanews.kz.
Almaty oblysy Tótenshe jaǵdailar departamentiniń baspasóz qyzmeti jaǵdaiǵa pikir bildirdi.
"Almaty oblysynyń Tótenshe jaǵdailar departamenti QR TJM "Seismologiialyq zertteý institýty" JShS seismikalyq stantsiialar jelisiniń derekterine sáikes Almaty oblysy aýmaǵynda jáne Qonaev qalasynyń mańynda jer silkinisi tirkelmegenin habarlaidy. Turǵyndardan ótinishter túsken joq, sonymen qatar, qiraǵan ǵimarattar, zardap shekkender týraly málimet tirkelmedi", - dedi TJD ókili.
Vedomstvo Qonaev qalasynyń turǵyndary men qonaqtaryn sabyr saqtaýǵa, tek resmi aqparat kózderine senýge shaqyryp, tótenshe jaǵdailar týyndaǵan jaǵdaida 112 nómirine habarlasýdy surady.
