Túlkibastyq kókparysh: «Men baǵyndyrar beles kóp»
– Men bala kúnimnen atam Mamyttyń qamshysyn alyp, báigede shabatyn tulparyna minip óstim. Sáigúlikke degen qyzyǵýshylyǵym asa joǵary edi. Pálen jerde kókpar bolyp jatyr degendi esitsem boldy, dorbamdy alyp, atymdy baptap úiden shyǵyp ketetinmin. «Sen áli balasyń, attyń astynda qalyp ketesiń» degen úlken aǵalarymnyń sózin, aqylyn qulaǵyma aspaitynmynda. Ol men úshin qorqynyshty bolmaityn. Bar oiym sol kókparǵa baryp, alaman dodany kózben kórý edi. Kókparshy, shabandoz bolý meniń bala kúngi armanym edi. Ásti, osyndai jetistikke jetip, shabandoz bolyp, elimniń maqtanyshy bolǵanym – atamnyń bergen batasynyń arqasy bolsa kerek. Ol kisi de shabandoz bolatyn.
Qannan kelgen qasiette bar shyǵar. Ákem Ámir de kókpar dese ishken asyn jerge qoiatyn azamattar qatarynan. Meniń kókpar sportyna degen mahabatymdy sezgen ákem sport mektebine oqýǵa túsirip, baǵymdy ashty. Báigede oza shabýym úshin batasyn berip, jigerlendiretin. Sáigúligim Aqmola Qasqamen talai dodalarda oza shaýyp, otbasyma úlken qýanyshpen oralǵan kezderim jeterlik. Bul- men úshin atamnyń, ákem men anamnyń aldyndaǵy armanymnyń oryndalǵanynyń kórinisi dep oilaimyn. Jeter jetistigim men alar asýym áli alda bolsa, men baǵyndyrar beles kóp dep bilemin. Kezekti jeńisimdi elim men jerime arnaimyn, – deidi I Aziia oiyndarynyń chempiony, QR quramasynyń múshesi Mamyt Ádilet.
