Túrkistan oblysy, Túlkibas aýdany – alma ósirýge óte yńǵaily aimaq. Aýdan aýmaǵynda qazirgi tańda 76 agroqurylym alma baýyn ósirýmen ainalysady. Sharýa qojalyqtardyń basym bóligi halyq arasynda kóp suranysqa ie «Gala», «Fýdji», «Golden delishes», «Star Krimson», «Legalina», «Aidaret» syndy alma suryptaryn ósiredi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ótken jyly Túlkibasta alma ósirýmen ainalysatyn sharýalar 33 myń tonnadan astam alma jinap rekordtyq kórsetkishke qol jetkizdi. Al biyl olar 25 myń 600 tonna alma jinap otyr.
Búgingi kúnde Túlkibas aýdannyńda 3077 gektar alma baý alqaby bar. Onyń ishinde 2218 gektaryna 2007 jyldan keiin kóshet otyrǵyzylǵan. Iaǵni, jas baýlar.
Sonymen qatar aýdanda az jerden mol ónim alýǵa (1 gektar jerde 2000 dana kóshetten asa býdandastyrylǵan alma aǵashtary) beiimdelgen qarqyndy baý sharýashylyqtary damyp keledi. Qazirgi tańda aýdanda qarqyndy alma baý kólemi 300 gektardan asady.
Aita keteiik, aýdan aýmaǵynda qys mezgilinde alma saqtaityn siymdylyǵy 12500 tonnany quraityn 7 jemis-jidek qoimasy jumys isteidi. Bul qoimalar Túlkibastyń brendin jyldyń tórt mezgilinde qoljetimdi baǵada elge usynýǵa múmkindik beredi.
