Jemis-jıdekti óńdep, ony naryqqa daıyn ónim retinde ótkizý – tabystyń kózi. Túlkibas aýdanynda atalǵan baǵyttaǵy jumystar jolǵa qoıylǵan. Óıtkeni, memlekettik qoldaýlar arqyly kásipkerler tarapynan bul baǵytty damytýǵa qyzyǵýshylyq artyp keledi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Búgingi tańda aýdan aýmaǵynda úsh iri jemis-jıdek pen kókónis óndeıtin kásiporyn jumys isteıdi. Solardyń biri Arys aýyldyq okrýgine qarasty «Arsen-as» JSHS-i. Jyldyq qýattylyǵy – 3 myń tonna.

Atalǵan kásiporynnyń bıylǵy jemis óńdeý maýsymyna daıyndyǵymen tanysý maqsatynda aýdan ákimi Nurlan Baıǵut arnaıy is-saparmen barǵan bolatyn. Seriktestik alma shyrynyn óndiredi. Aýdan turǵyndarynan jáne agroqurylymdardan jemis-jıdek daqyldaryn qabyldap, qaıta óńdeıdi. Bıylǵy kúzdik alma terý maýsymynda kásiporyn 1 myń tonna alma qabyldap, odan 100 tonna alma shyrynynyń konsentratyn shyǵarýdy josparlap otyr.

Alynǵan 100 tonna konsentrattan 625 tonna daıyn alma shyryny naryqqa jóneltiledi.

Karantın saldarynan jumysyn ýaqytsha toqtatqan kásiporyn bıyl kúzgi ónimdi qabyldaýǵa daıyn ekendigin jetkizdi. Qazirgi tańda aldyn-ala kelisim jasalǵan «Kóktal» sharýa qojalyǵynan kúzgi almalardy kútýde. Aıta keterligi, aýdan aýmaǵynda jemis-jıdek, kókónis óńdeıtin «Mıchýrın-Alma Eksport» jáne «Pesná Leta» JSHS-i jumys isteıdi.