بۇگىنگى تاڭدا اۋدان اۋماعىندا ءۇش ءىرى جەمىس-جيدەك پەن كوكونىس وندەيتىن كاسىپورىن جۇمىس ىستەيدى. سولاردىڭ ءبىرى ارىس اۋىلدىق وكرۋگىنە قاراستى «ارسەن-اس» ءجشس-ى. جىلدىق قۋاتتىلىعى – 3 مىڭ توننا.
اتالعان كاسىپورىننىڭ بيىلعى جەمىس وڭدەۋ ماۋسىمىنا دايىندىعىمەن تانىسۋ ماقساتىندا اۋدان اكىمى نۇرلان بايعۇت ارنايى ىس-ساپارمەن بارعان بولاتىن. سەرىكتەستىك الما شىرىنىن وندىرەدى. اۋدان تۇرعىندارىنان جانە اگروقۇرىلىمداردان جەمىس-جيدەك داقىلدارىن قابىلداپ، قايتا وڭدەيدى. بيىلعى كۇزدىك الما تەرۋ ماۋسىمىندا كاسىپورىن 1 مىڭ توننا الما قابىلداپ، ودان 100 توننا الما شىرىنىنىڭ كونسەنتراتىن شىعارۋدى جوسپارلاپ وتىر.
الىنعان 100 توننا كونسەنتراتتان 625 توننا دايىن الما شىرىنى نارىققا جونەلتىلەدى.
كارانتين سالدارىنان جۇمىسىن ۋاقىتشا توقتاتقان كاسىپورىن بيىل كۇزگى ءونىمدى قابىلداۋعا دايىن ەكەندىگىن جەتكىزدى. قازىرگى تاڭدا الدىن-الا كەلىسىم جاسالعان «كوكتال» شارۋا قوجالىعىنان كۇزگى المالاردى كۇتۋدە. ايتا كەتەرلىگى، اۋدان اۋماعىندا جەمىس-جيدەك، كوكونىس وڭدەيتىن «ميچۋرين-الما ەكسپورت» جانە «پەسنيا لەتا» ءجشس-ى جۇمىس ىستەيدى.
