Túrkistan oblysy, Túlkibas aýdanynda balalarǵa arnalǵan jańa zamanaýi oiyn alańshasy paidalanýǵa berildi. Bul igilikti is – óskeleń urpaqtyń deni saý, belsendi ári baqytty bolyp ósýine jasalǵan naqty qadam, - dep habarlaidy Dalanews.kz
Túlkibas kentinde boi kótergen nysanda talapqa sai kishi fýtbol alańshasy, qaýipsiz jabyn tóselgen aýmaqta sońǵy úlgidegi syrǵanaqtar men átkenshekter, jattyǵý quraldary qarastyrylǵan.
Jańa nysannyń ashylý saltanatyna aýdan ákimi Asqar Estibaev, aýdandyq máslihattyń tóraǵasy Serǵali Sársenbaev arnaiy qatysyp, kent turǵyndarynyń qýanyshymen bólisti.
Jalpy búgingi tańda aýdandaǵy 59 eldi mekende mektep mańy men okrýg ortalyqtarynda 63 shaǵyn fýtbol jáne oiyn alańshalary, 2 stadion jáne 3 jekemenshik jabyq fýtbol maneji bar.
Aita keterlik, biyl aýdan ortalyǵyndaǵy halqy kóp shoǵyrlanǵan «Kókjailaý» yqsham aýdany men Seidaliev kóshesindegi kópqabatty turǵyn úilerdiń aldyna balalar oiyn alańshasyn soǵý josparlanýda.
