Túlkibasta sút óndirisi qarqyndy damyp keledi
Túlkibasta kóńil qýantarlyq tirlikter kóp-aq. Taiaý arada aýdanda otandyq investorlardyń qoldaýymen quny 2,5 miliard teńgeni quraityn 4 joba júzege aspaq. Aýdan halqyn ekologiialyq taza tabiǵi ónimmen qamtamasyz etý maqsatynda Aqbiik aýylynda táýligine 5 tonna sút óndiretin kásiporyn iske qosylady. Jurt kóńilinen shyqqan jobanyń jalpy quny 236 million teńgeni quraidy.
– Otandyq ónim esesin arttyrý maqsatynda aýdanda 4 sút óndiretin fermalar jumys atqarady. Solardyń biri Mailykent seriktestigi. Úsh aýyldyq kooperativtar qurylǵan. Árqaisysynyń úiinde 2-3 siyrdan bar. Kúndigine 5 tonna sút saýylady. Sol sútti Mailykent sút zaýytyna ákelip ótkizedi, – deidi Túlkibas aýdandyq aýyl sharýashylyǵy jáne kadastrlyq bóliminiń basshysy Mustafa Jeldibaev.
Qazir Túlkibas aýdanynda sútti mal sharýashylyǵy damyp keledi. Óndiriske qajetti sút alystan emes aýyl mańyndaǵy fermerler men jeke malshylardan qabyldanady. Sonyń arqasynda bul aimaqta shikizat tapshylyǵy joq. Azattyq eldi mekenindegi «Mailykent Sút» jaýapkershiligi shekteýli seriktestigi kúnine 5 tonna sút ónimderin óńdeýge qaýqarly.
– Bes jyldan beri úzdiksiz ónim shyǵaryp kelemiz. Sol ýaqyttan beri bizdiń ónim joǵary suranysqa ie. Bizdiń halyqqa zerthananyń keregi joq. Qazir tutynýshylarymyzdyń talǵamy joǵary, syrttan kelip jatqan ónimderdi kórip otyr. Sonyń ishinde otandyq ónimge ózderiniń toqtamdaryn jasap qoiǵan, – dep bilikti maman Naǵira Táýkebaeva oiyn ashyp aitty.
Ashylǵanyna 5 jyl bolǵan Mailykent sút zaýytynda qazir 50- den astam jergilikti turǵyn jumys isteidi. Búginde kásiporynda tabiǵi sapaly ónimniń 12 túri shyǵaryp, óndirilgen ónim búkil óńirge taratyp otyr. Aldaǵy aýqytta sút ónimderin oblystan bólek Qazaqstannyń ózge aimaqtaryna shyǵarý josparlanýda.
