Túlkibas aýdany ákimdiginiń mádenıet jáne tilderdi damytý jónindegi bólimi men bilim bólimderiniń uıymdastyrýymen «Tańsholpan» bóbekjaıynda «Bala shaqtan bolashaqqa – ana tilimen» atty aýdandyq baıqaýy ótkizildi.
İs-shara memlekettik tildiń qoldaný aıasyn keńeıtý jáne jas búldirshinderdi yntalandyrý, Otanyn, elin, jerin súıýge tárbıeleý maqsatynda ótkizildi.
Úmitkerlerdiń ózindik erekshelikterin, bilimdiligin, tapqyrlyǵyn, belsendiligin baǵalap, sarapqa salǵan qazylar alqasynyń sheshimi boıynsha İ oryn «Baldyrǵan» balabaqshasynyń tárbıelenýshisi Nýrlıbaeva Arýjan Qýanyshbekqyzy, İİ oryn «Astana» balabaqshasynyń tárbıelenýshisi Saǵymbek Abzal Quralbekuly, İİİ oryn «Saýytkúl apa» balabaqshasynyń tárbıelenýshisi Nurlanqyzy Aıarýǵa buıyrdy.
Baıqaýǵa qatysýshylar aýdandyq mádenıet jáne tilderdi damytý jónindegi bóliminiń arnaıy syılyqtary, dıplomdary jáne alǵys hattarymen marapattaldy.