Túlkibas – Qazaqstannyń «Shveitsariiasy»...
Sulýlyǵymen kóz tartatyn «Aqsý-Jabaǵyly» qoryǵynyń ózi turady. Búginde qoryqty aralaýǵa sonaý Eýropa, Amerika men Japoniiadan jyl saiyn tolassyz týrister kelip jatady. «Túlkibas» dese alma, «alma» dese Túlkibastyń eske túsetini taǵy bar.
El arasynda Bul ólke qyzǵaldaqtar otany retinde de keńinen tanylǵan, muny sheteldikter de moiyndap otyr. Iaǵni, bul ólkeniń ekonomikalyq, aýylsharýashylyq jáne týristik áleýeti óte zor.
Túlkibas – esimi elge belgili qairatker tulǵalardyń otany, týǵan jerine óshpes izin qaldyryp, eleýli eńbek etken Alashtyń aibyny Turar Rysqulovtyń týǵan jeri. Mine, eńseli Alataý men qart Qarataýdyń túiisken tusyndaǵy Túlkibas aýdany biyl 90-jyldyǵyn atap ótti.
Túlkibas áleýmettik-ekonomikalyq damý jaǵynan Túrkistan oblysyndaǵy aldyńǵy qatarly aýdandardyń birinen sanalady. Aýdannyń aýyz toltyryp aitatyn jetistikteri, túrli salalardaǵy tabysy barshylyq.
Kezinde Keńes Odaǵy tusynda salynyp, aty dúrkiregen tsement, ák zaýyttary jáne bidai, júgeri óndiretin zaýyttar táýelsizdik alǵan jyldary qaita túlep, qanatyn keńge jaiyp, naryqtyq básekede des bermei keledi. Bertingi jyldary aýdanda kásipkerlik salasy damyp, otandyq ónimder, azyq-túlik, sút ónimderi shyǵaryla bastady. Munyń ózi halyqtyń ál-aýqatynyń artqanyn kórsetedi.
Táýelsizdiktiń alǵashqy jyldardaǵy jalpy óńirlik ónim jarty milliar teńgeni jýyqtasa, búgingi kúni 11 milliard 108 million teńgeni qurap, jan basyna shaqqanda 99,8 myń teńgeni qurady.
