«Qazaqmys korporatsiiasy» JShS Basqarma tóraǵasy Rýslan Óskenáli bastaǵan delegatsiia Beijiń qalasyna jumys saparymen baryp, Qytaidyń ENFI injenerlik korporatsiiasynyń basshylyǵymen kelissóz júrgizdi. Qabyldaýshy taraptyń delegatsiiasyn ENFI Direktorlar keńesiniń tóraǵasy Liý Chen basqardy, dep habarlaidy dalanews.kz.
Kezdesý barysynda taraptar yntymaqtastyqtyń basym baǵyttaryn talqylap, taý-ken metallýrgiia salasyndaǵy jobalardy iske asyrý tásilderi boiynsha pikir almasty. Tehnologiialyq sheshimderge, injenerlik quzyretterge, óndiris tiimdiligin arttyrýǵa, tsifrlandyrýǵa jáne zamanaýi ekologiialyq tehnologiialarǵa erekshe nazar aýdaryldy.
Anyqtama úshin: China Minmetals Corporation quramyna kiretin Qytaidyń ENFI injenerlik korporatsiiasy 1953 jyly qurylǵan. Ol taý-ken metallýrgiia salasyndaǵy injenerlik jobalaý jáne jobalardy iske asyrý baǵyttaryna mamandanǵan. Kompaniia 70 jyldan astam qyzmetinde álemniń 60-tan astam eli men óńirinde 12 myńnan astam jobany júzege asyrǵan. ENFI kompaniiasynyń tabysty jobalarynyń qatarynda jalpy óndiristik qýaty jylyna 5 mln tonnadan asatyn 40-tan astam mys balqytý zaýyty, jalpy qýaty jylyna 6 mln tonnadan asatyn 30-dan astam myrysh zaýyty, jalpy qýaty jylyna 4 mln tonnadan asatyn 50-den astam qorǵasyn zaýyty, sondai-aq jalpy qýaty jylyna 500 myń tonnadan asatyn 10-nan astam nikel zaýytynyń qurylysy bar. Kompaniia sirek jer metaldaryn jáne óndiristik qaldyqtardy óńdeý salasynda da kóptegen jobalardy júzege asyrǵan.
