Jahandaný kezeńinde básekege qabiletti jáne suranysqa ıe mamandardy daıarlaý óte mańyzdy. Joǵary oqý oryndaryndaǵy bilim sapasyn álemdik deńgeıge saı jetildirý qajettiligi zaman talaby.
Ál-Farabı atyndaǵy QazUÝ-da básekege qabiletti mamandar daıarlaýǵa, jańa bilim baǵdarlamalaryn júzege asyrýǵa múmkindikter mol.Ýnıversıtetimizdiń akademıalyq saıasatyna sáıkes túlekterdi jumyspen qamtý máselesi ózekti. Túlekterdi jumysqa ornalastyrý JOO jumysynyń tıimdiliginiń mańyzdy kórsetkishi bolyp tabylady. Ýnıversıtet túlekterdiń jumysqa sátti ornalasýyn bilim berý qyzmetiniń tıimdiliginiń negizgi kórsetkishi retinde qarastyrady. Ýnıversıtet eńbek naryǵynyń suranysyna sáıkes bilim berý baǵdarlamalarynyń mazmunyn jańartý maqsatynda jumys berýshilermen uzaq merzimdi kópjaqty yntymaqtastyqty qoldaıdy; qyzmetkerlerdiń ishinen oqytýshy-praktıktardy sabaq ótkizýge tartady, sonyń ishinde syrtqy uıymdarynyń bazasynyń negizinde, sonymen qatar, básekege qabilettilik pen suranysty qamtamasyz etý maqsatynda, QazUÝ túlekteriniń qorytyndy attestasıalaýyna qatysady.Jumyspen qamtýǵa járdemdesý úshin bilim alýshylary men túlekterin, jumys múmkindikteri men kásibı taǵylymdamalar týraly aqparattandyrý maqsatynda, ýnıversıtettegi túrli is-sharalarǵa jumys berýshilerdiń qatysýyn qamtamasyz etetin, mansap jáne kásibı damý Ortalyǵy jumys isteıdi. Ýnıversıtettiń bilim alýshylary men túlekteri ózderiniń túıindemelerin áleýetti jumyspen qamtamasyz etýshi uıymdarǵa jiberýge, sondaı-aq «Jastar jáne mansap» korporatıvtik portaly arqyly jumys vakansıalarymen tanysýǵa múmkindikteri bar ekeni barshaǵa málim. Ýnıversıtet joǵary bilikti kadrlardy daıarlaýdyń úzdik otandyq tájirıbesine súıene otyryp, memlekettik qyzmetke maman daıarlaýdyń quzyrettiligin qalyptastyrýǵa umtylyp keledi. Ál-Farabı atyndaǵy Qazaq ulttyq ýnıversıtetiniń túlekteri Qazaqstandaǵy jáne dúnıe júzindegi jumys berýshiler tarapynan joǵary suranysqa ıe.
QazUÝ túlekterine qoljetimdi mansaptyq múmkindikter ýnıversıtettiń joǵary sapaly bilim berýge umtylysynyń kórinisi bolyp tabylady.
Sonymen qatar,bilim alýshylarǵa áleýetti jumys berýshilermen ózara árekettesýge jáne jumys oryndaryn qamtamasyz etýge baǵyt beretin mansap jármeńkeleri men jumysqa ornalasý boıynsha dıskýssıalardy uıymdastyrady.Qara shańyraq túlekteri – ǵylym, bıznes, saıasat jáne ónerdi qosa alǵanda, ártúrli salalardaǵy kóshbasshylar. Olar ýnıversıtettiń ókilderi retinde qyzmet etýde. Zań fakúlteti keden qarjy jáne ekologıalyq quqyq kafedrasy ýnıversıtet bergen barlyq múmkindikterdi paıdalana otyra, «Turaqty damý maqsattary» konsepsıasynyń 4-maqsaty «sapaly bilim» ekenin eskerip,sapaly maman daıyndaýda aıanbaı eńbek etýde.Kafedranyń profesorlyq-oqytýshylyq quramynyń bergen bilimi-túlekterdiń kemel kelesheginiń kepili ispettes.
Jatkanbaeva A.E
ál-Farabı atyndaǵy QazUÝ-dyń zań fakúlteti keden qarjy jáne ekologıalyq quqyq kafedrasynyń zań ǵylymdarynyń doktory
Amıralı Azıza Ilham
Ázerbaıjan,Baký memlekettik ýnıversıteti
