Prezidentke Astana qalasyn abattandyrý jáne kógaldandyrý jospary tanystyryldy, - dep habarlaidy Dalanews.kz.
Qala ákimi Jeńis Qasymbektiń aitýynsha, biyl 1,1 million jasyl jelek, sonyń ishinde qala aýmaǵynda 35 myń, elordanyń jasyl beldeýi aimaǵynda 200 myń túp kóshet otyrǵyzý josparlanǵan.
Sonymen qatar, qaladaǵy 170 qoǵamdyq oryndy, onyń ishinde Esil ózeniniń boiyn, Aqbulaq jaǵalaýyn, sondai-aq Triatlon parki, Beibitshilik jáne kelisim saraiy, EKSPO mańyn abattandyrý jumystary jalǵasady.
Astana ákimi byltyr elordany kógaldandyrý jarǵysy qabyldanǵanyn atap ótip, atalǵan qujatqa sáikes egilgen jasyl jelekti 3 jylǵa deiin kútip-baptaý mindeti júkteletinin jáne úlken aǵashtar men kópjyldyq ósimdikter otyrǵyzýǵa basymdyq beriletinin jetkizdi.
Prezidentke "Myńjyldyqtar alleiasyn" damytý jospary jáne Dúniejúzilik kóshpendiler oiyndaryna daiyndyq barysy jóninde baiandaldy.
