Úlgili bala, ozat oqýshynyń asqan qatigezdikke barýyna ne sebep bolǵanyn týystary da, ustazdary da túsenbei dal. Jetkinshek jat aǵymnyń jetiginde ketti ma degen kúdik te joq emes.
Taldyqorǵanda týǵan anasyn baýyzdap óltirgen Álisher Kárimniń asqan qatygezdigi kúlli jurtty shoshytyp otyr. 11 synyp oqýshysy aldymen uiyqtap jatqan anasyn tunshyqtyryp óltirgen. Keiin júregine birneshe ret pyshaq suǵyp, baýyzdap tastapty. Tipti sheshindirip óli denege as sodasyn sepken eken. Odan keiin túk bolmaǵandai mektepke barypty. Jol jónekei kompiýter klýbyna da soǵyp qumary qanǵansha oiyn oinaǵan. Tek bir kún ótken soń ǵana óz erkimen politsiiaǵa keledi.
“Jaqsy oqidy. Oqý jyly boiy sabaqtan qalǵan emes. Tártibi jaqsy, jaýapkershiligi joǵary. Ózi matematikadan jaqsy ári jaqsy sýret salady. Mekteptegi redkollegiia múshesi bolatyn”, – deidi № 5 mekteptiń direktory Gúlmira Ahmetova.
17 jasar Álisherdiń jaýyzdyǵy mektebin ǵana ony tanityndardyń barlyǵyn eseńgiretip tasady. Ustazdary ol úlgili, ozat, belsendi oqýshy bolǵan dep otyr. Ákesiz ósken. Anasy jalǵyz uly men Almatyda oqityn onyń ápkesin asyraý úshin oblystyq narkologilyq dispanserde meiirbike bolyp jumys istepti. Baýyr eti balasynyń qolynan ajal qushqan Gúlnaz Omarǵojinova nebári 43 jasta edi.
“Gúlnazdy stýdent kezinen tanimyn. Óte qarapaiym, baýyrmal bolatyn. Únemi kúlip júretin. Balasynyń jaman qylyǵyn eshqashan estimeppin. Ulym 11 bitiredi, Álisherimdi Kókshetaýdaǵy qutqarýshylardyń oqýyna túsirem dep aqshasyn jinap júrgenin aitqan”, – deidi marqumnyń qurbysy Elena Kolenko.
Tanystary Álisher ápkesine telefon alyp bergen anasyna ókpeledi dese, endi bireýleri bala sektanyń jetiginde ketýi múmkin dep otyr. Al oqýshynyń qylmys kezinde ishimdik ishken ishpegeni belgisiz. Quzyrly organ bul oqiaǵaǵa qatysty eshqandai aqparat berer emes. Belgilisi ýaqatsha qamaý izoliatrynda suralyp jatqan 11-synyp oqýshysyna qatysty adam óltirý baby boiynsha qylmystyq is qozǵaldy.
[video width="640" height="360" mp4="https://dalanews.kz/wp-content/uploads/2018/04/videoplayback.mp4"][/video]
