Atyraýda Tý ustap, tumshalanyp sýretke túskenderge sot sheshimi shyqty, – dep habarlaidy Dalanews.kz.
Atyraý qalasynyń ákimshilik quqyqbuzýshylyqtar jónindegi mamandandyrylǵan sotynda Qazaqstan Respýblikasynyń ÁQBtKniń 434-babynyń 1-bóligi boiynsha quqyqbuzýshylar N., A., H.-ǵa qatysty ákimshilik quqyq buzýshylyq týraly ister qaraldy (usaq buzaqylyq).
23 naýryzda N., A. jáne kámeletke tolmaǵan H. Atyraý qalasyndaǵy muz aidyny ǵimaratynda arab tilindegi jazýy bar Qazaqstan Respýblikasynyń týymen sýretke túsip, ony áleýmettik jeli arqyly taratyp, usaq buzaqylyq jasaǵany anyqtalǵan.
Quqyqbuzýshylardyń ákimshilik quqyqbuzýshylyq jasaýdaǵy kinási ákimshilik quqyqbuzýyshylyq týraly hattamamen, sýretpen, baianatpen jáne basqa da is materialdarymen tolyq dáleldengen.
Sot qaýlysymen quqyqbuzýshylar ÁQBtK-niń 434-babynyń 1-bóliginde kózdelgen ákimshilik quqyqbuzýshylyq jasaǵandary úshin kináli dep tanyldy.
Sot sheshimi:
- N.-ǵa jaýaptylyǵyn aýyrlatatyn mán-jaidy eskere otyryp (kámeletke tolmaǵan adamdy ákimshilik quqyq buzýshylyqqa tartý; adamdar tobynyń ákimshilik quqyq buzýshylyq jasaýy), 15 táýlikke ákimshilik qamaqqa alý túrindegi ákimshilik jaza qoldanyldy.
- A.-ǵa ákimshilik jaza retinde 78 640 teńge ákimshilik aiyppul salyndy.
- Kámeletke tolmaǵan H.-nyń zańdy ókiline ákimshilik jaza retinde 39 320 teńge ákimshilik aiyppul salyndy.
Sot qaýlylary zańdy kúshine engen joq.
