«Astana EKSPO-2017» Ulttyq kompaniiasy AQ jáne «Transtelekom» AQ seriktestik memorandýyna qol qoidy. Endigi «Transtelekom» kompaniiasy – «Kórme seriktesi» mártebesine ie. «Transtelekom» – elimizdiń iri IT jáne bailanys operatorlarynyń biri. Ol – telekommýnikatsiia, aqparattyq kommýnikatsiia salasynda keń aýqymdy qyzmet kórsete alatyn biregei kompaniia. Sondai-aq IT integrator bolyp tabylady.
«Qazaqstandyq kompaniianyń innovatsiialyq jobalardy sátti júzege asyryp jatqandyǵyn kórý – kóńil qýantady. Transtelekomnyń aýqymdy filialdyq júiesi bar, bul búkil Qazaqstan kóleminde EKSPO kórmesin keń taraýyna yqpal etedi. Sondyqtan bizdiń jobamyzǵa Transtelekom syndy aldyńǵy qatarly kompaniialardyń qatysýy – elimizdiń bolashaqqa degen senimin nyǵaityp, Elbasy tapsyrmasynyń oryndalýyn qamtamasyz etedi», – dedi óz sózinde Ahmetjan Esimov.
«Halyqaralyq mamandandyrylǵan EKSPO-2017 kórmesiniń resmi «IT seriktesi» bolý – «Transtelekom» úshin úlken mártebe. Álbette, EKSPO-2017 – Qazaqstan úshin mańyzdy sharalardyń biri. Búgingi tańda «Transtelekom» AQ «Astana EKSPO-2017» ulttyq kompaniiasymen birlesip jumys isteýde. Biz is-sharanyń máni men mańyzyn túsine otyryp, oǵan úlken jaýapkershilikpen qaraimyz», – dedi kompaniia prezidenti Dáýren Pishembaev.
Aldaǵy ýaqytta «Astana EKSPO-2017» ulttyq kompaniiasy «Transtelekom» AQ halyqaralyq kórmeni ótkizý baǵytynda birlesken is-sharalar ótkizetin bolady.
Sondai-aq, «Transtelekom» AQ «EKSPO-2017» kórmesi barysynda «Uiymdastyrýshylar keńsesin» telefoniia men internetpen qamtamasyz etip, sheteldik qatysýshylar úshin VPN qoljetimdiligin tehnikalyq turǵydan jaǵdai jasap, kórme qonaqtaryna búkil kórme ótetin kezeń barysynda internet jelisin usynatyn boldy.
"QmD" aqparat
