AQSh prezidenttigine úmitker Donald Tramptyń Truth Social áleýmettik jelisiniń quny X (burynǵy Twitter) qosymshasynan basym tústi, dep habarlaidy Dalanews.kz.
Tramp bul jelini úsh jyl buryn Twitter men Facebook ony buǵattaǵannan keiin kek alý maqsatynda iske qosqan bolatyn.
Truth Social aktsiialary qyrkúiek aiynyń sońynan beri tórt ese ósti, nátijesinde kompaniianyń jalpy baǵasy 10 milliard dollarǵa jetti. Sońǵy toqsanda Donald Tramptyń áleýmettik jelisi 16 million dollar shyǵynǵa ushyraǵanymen, qazir aktsiialardyń ósýi jeliniń tabystylyǵyna emes, Tramptyń AQSh prezidenttigine qaita sailaný múmkindigi joǵary bolýyna bailanysty bolyp otyr.
Ilon Maskqa tiesili X áleýmettik jelisi (burynǵy Twitter) qazirgi tańda 9,4 milliard dollarǵa baǵalanady. Mask bul jelini 2022 jyldyń qazan aiynda basqarýdy qolǵa alǵan kezde, onyń quny 44 milliard dollar bolǵan edi.
Tramp Truth Social jelisiniń shamamen 57%-yna ielik etedi, biraq ol kompaniianyń basqarý isine qatyspaidy. Truth Social jelisin Tramp 2021 jyldyń 6 qańtarynda Kapitoliidegi tártipsizdikterden keiin Twitter men Facebook jelilerinde buǵattalǵan soń ashqan edi.
