Jýyrda AQSh prezidenti sailaýynda Donald Tramp jeńiske jetti. AQSh prezidenttigine kandidat bolǵan Donald Trampty ashyq qoldaǵan milliarder Ilon Mask onyń sailaýdaǵy jeńisine baryn salǵan tárizdi. Kásipkerdiń qaltasy tolyq juqarmasa da, buǵan qomaqty qarajat quiǵan, - dep habarlaidy Dalanews.kz.
NBC News málimetinshe,Mask Trampty sailaýǵa ǵana emes, túsik jasatý máselesinde Trampty qorǵaǵan RBG PAC kompaniiasyn da qarjylandyrǵan.
"Milliarder Ilon Mask 2024 jylǵy naýqannyń sońynda jumbaq sýperpartiiaǵa 20 million dollardan asa qarajat quidy, bul - prezident Donald Trampty qoldaýǵa jumsaǵan 250 million dollardyń bir bóligi", - delingen basylymda.
Buǵan deiin Donald Tramp kásipker Ilon Maskqa qatysty málimdeme jasap, ol úkimettiń tiimdiligi jónindegi basqarmaǵa jetekshi bolatynyn aitty.
Aita keteiik, qoldanystaǵy erejelerge sáikes AQSh prezidenti retinde Tramp óz mindetterin 2025 jylǵy 20 qańtarda bastaidy.
Sol kúni saltanatty ant berý rásimin qamtityn AQSh Prezidentiniń inaýgýratsiiasy ótedi. Dástúr boiynsha bul qoǵamdyq is-shara Vashingtonda ótedi, bul kezde jańa prezident sóz sóileidi. Inaýgýratsiiaǵa orai saltanatty sherý men bal uiymdastyrylady.
Eske salaiyq, buǵan deiin L.N. Gýmilev atyndaǵy Eýraziia ulttyq ýniversiteti Saiasattaný kafedrasynyń meńgerýshisi m.a. Janat Momynqulov Dalanews.kz-ke suhbat berip, sailaý nátijeleri týraly boljam jasady.
"Tramp álemdik saiasatta oiyp turyp oryn alady. Onyń ústine qazirgidei daǵdarys, soǵys jaǵdaiynda onyń is-qimyly - bári óte mańyzdy. Biraq Harris qalǵan jaǵdaida Amerikanyń osy saiasaty jalǵasa beredi. Qytaiǵa, Reseige, Iranǵa qatysty shekteý, tejeý saiasaty júredi.
Meniń oiymsha, Harristiń jeńisine qýanamyz. Al Tramp keletin bolsa, Reseimen qarym-qatynasyndaǵy ózgerister Ortalyq Aziiaǵa, bizge salqyn áser etedi. Bári ainalyp kelgende halyqaralyq júiege áser etedi. Biz boljap bolmaityn oqiǵalar bastalyp ketýi múmkin. Harris Ortalyq Aziiaǵa jańa bir kózqaras tanytýy múmkin, ol - Aq úidiń mańyndaǵy biýrokrattardyń ókili, turaqtylyqtyń "garantiiasy". Al Tramp kelse, Ýkrainadaǵy jaǵdai uzaqqa sozylatyn daýǵa ainalýy múmkin. Sondyqtan, meniń oiymsha, Harristiń kelgeni Qazaqstanǵa tiimdi. Ortalyq Aziiaǵa tikelei áseri bolmasa da, sheshimderi arqyly ainalyp kelgende áseri bolady", - dedi ol.
