AQSH-tyń Respýblıkalyq partıasy mıllıarder Donald Trampty resmı túrde prezıdent saılaýyna úmitker retinde usyndy.
19 shildede Ogaıo shtatynyń Klıvlend qalasynda ótken partıa seziniń sheshýshi daýys berý sátinde, Tramp óziniń 16 qarsylasynan alǵa shyqty. Tramptyń qarsylastary da osal emes, tájirıbeli saıatkerlerler. Endi 21 shildede bolatyn resmı sóz sóıleý saltanaty kezinde, Tramp prezıdenttikke úmitker bolý usynysyn resmı túrde qabyldaıdy dep kútiledi.
Onyń saılaýaldy úndeýlerindegi elge musylmandardyń kirýine tyıym salý, Meksıkamen aradaǵy shekaraǵa qorǵan ornatý jáne áıelderdiń atyna aıtylǵan syndary Amerıka halqynyń, tipten respýblıkashyl, AQSH-tyń eks-prezıdenti Djordj Býshtyń da ashý-yzasyn týǵyzǵan. Demokratıalyq partıa atynan Tramptyń basty qarsylasy burynǵy memlekettik hatshy Hılları Klınton bolýy múmkin. Ony kelesi aptada Fıladelfıada bolatyn Demokratıalyq partıanyń sezinde resmı túrde ortaq úmitker retinde jarıalaıdy dep kútiledi.
