Biyl sáýirde eldegi pandemiiaǵa qatysty jaǵdai týraly alǵashqy brifingte Tramp vaktsina ázirleý men aýrýdy emdeý salasyndaǵy jetistikter jóninde aitqan.
Tramp 21 shildede Aq úide amerikalyqtardy meditsnalyq maska taǵýǵa úndep, Qurama Shtattardyń keibir bóliginde «jaǵdai áldeqaida jaqsy» dep málimdedi. Bunyń aldynda Tramp birneshe ai boiy maska taǵýdan bas tartyp, maska taǵý kerektigin aitpaǵan. Endi ol maska taǵýdyń virýstyń taralýyn shekteitinin málimdep otyr.
Ótken táýlikte COVID-19 myńnan astam amerikalyqtyń ómirin jalmady. Dál osyndai rekordtyq kórsetkish 10 maýsymda tirkelgen edi.
Álemniń basqa da memleketteri epidemiianyń aýyrtpalyǵyn basynan ótkerip jatyr. Avstraliiada Melbýrn turǵyndaryna maska taǵý mindetteldi. Meksikada koronavirýstan qaitys bolǵandar 40 myńnan asty. Braziliiada bir kúnde 41 myń adamnyń koronavirýs juqtyrǵany anyqtalyp, bir táýlikte 1 400 naýqas qaitys boldy.
