AQSh-tyń jańa sailanǵan prezidenti Donald Tramp óziniń jalaqysynan bas tartatynyn aitty, dep habarlaidy inform.kz saity.
AQSh-tyń jańa sailanǵan prezidenti Donald Tramp CBS telearnasyna suhbaty barysynda osyǵan deiin ózi jariia etken mólsheri 400 myń dollar bolatyn jalaqysynan bas tartatynyn rastady. «Zań boiynsha men keminde 1 dollar jalaqy alýym kerek. Iaǵni, men 1 dollar jalaqy alamyn»,-dedi saiasatker. Onyń jeke bailyǵyn Forbes 3,7 milliard dollarǵa baǵalady. Tramp óziniń jalaqysynan bas tartqan úshinshi prezident bolmaq. Mundai qadamǵa kezinde Gerbert Gýver men Djon Kennedi de barǵan bolatyn. Olar ózderiniń prezident bolyp turǵandaǵy jalaqylaryn qairymdylyqqa aýdardy dep jazady Life. Respýblikashyl Donald Tramp 8 qarasha kúni ótken AQSh prezidentiniń sailaýynda sailaýshylardyń 290 myń daýsyn jinap, jeńiske jetti.
