اقش-تىڭ جاڭا سايلانعان پرەزيدەنتى دونالد ترامپ ءوزىنىڭ جالاقىسىنان باس تارتاتىنىن ايتتى، دەپ حابارلايدى inform.kz سايتى.
اقش-تىڭ جاڭا سايلانعان پرەزيدەنتى دونالد ترامپ CBS تەلەارناسىنا سۇحباتى بارىسىندا وسىعان دەيىن ءوزى جاريا ەتكەن مولشەرى 400 مىڭ دوللار بولاتىن جالاقىسىنان باس تارتاتىنىن راستادى. «زاڭ بويىنشا مەن كەمىندە 1 دوللار جالاقى الۋىم كەرەك. ياعني، مەن 1 دوللار جالاقى الامىن»،-دەدى ساياساتكەر. ونىڭ جەكە بايلىعىن Forbes 3،7 ميلليارد دوللارعا باعالادى. ترامپ ءوزىنىڭ جالاقىسىنان باس تارتقان ءۇشىنشى پرەزيدەنت بولماق. مۇنداي قادامعا كەزىندە گەربەرت گۋۆەر مەن دجون كەننەدي دە بارعان بولاتىن. ولار وزدەرىنىڭ پرەزيدەنت بولىپ تۇرعانداعى جالاقىلارىن قايرىمدىلىققا اۋداردى دەپ جازادى Life. رەسپۋبليكاشىل دونالد ترامپ 8 قاراشا كۇنى وتكەن اقش پرەزيدەنتىنىڭ سايلاۋىندا سايلاۋشىلاردىڭ 290 مىڭ داۋسىن جيناپ، جەڭىسكە جەتتى.
