Megapolıstegi sanıtarlyq-epıdemıologıalyq ahýal mýtasıalanǵan KVI-diń delta shtammyna baılanysty ýshyǵa túsýde. Almatyda ótken táýlikte koronavırýs ınfeksıasynyń 1219 jańa jaǵdaıy tirkeldi. Negizinen, karantındik shekteýleri saqtalmaǵan nysandarda juqtyrý qaýpi jalǵasýda.
Kóbinese karantın shekteýleri jumys rejımi men kelýshiler arasyndaǵy áleýmettik qashyqtyqty saqtamaıtyn oıyn-saýyq oryndarynda anyqtalady. Sonymen qatar mekeme qyzmetkerleri betperde rejımin saqtamaıdy. Sondaı-aq syrqattanýshylyqtyń ósýine baılanysty almatylyqtar úılený toıy men saltanatty is-sharalardy ótkizýdi jalǵastyrýda.
Demalys kúnderi Bostandyq aýdanynyń monıtorıńtik toby Dýlatı kóshesiniń boıynda ornalasqan 18 meıramhana men banket zalyn tekserdi. Eki mekemede karantınniń buzylýy anyqtaldy. Bi Kumis saltanat zalynda 85 qonaqtyń qatysýymen qudalyq ótti, al "UlyTaý" meıramhanasynda 45 adamǵa eseptelgen týǵan kún ótti.
Toı uıymdastyrýshylary QR Ákimshilik kodeksiniń 425-baby 1-bóligi boıynsha ákimshilik jaýapkershilikke tartyldy. Al mekeme ıelerine qatysty Bostandyq aýdanynyń Sanıtarlyq-epıdemıologıalyq baqylaý basqarmasyna materıaldar jınaldy.
Tártip buzýshylar tiziminde Medeý aýdanyndaǵy "Atmosfera" meıramhanasy da bar, onda 24 shildege qaraǵan túni 100-ge jýyq adam boldy. Naýryzbaı aýdanynda "Granada Hol" meıramhanasynda buzýshylyq tirkeldi, onda saltanatty is-sharaǵa 100-den astam adam jınaldy. Sol aýdanda "Samır" meıramhanasynda 100-ge jýyq qonaq boldy.
Almaly aýdanyndaǵy "Kıno" kafesinde karantın buzyldy, onda 60 adam boldy. 25 shildede tún ortasynda Medeý aýdanynyń Late night show barynda 110-120 adam bolǵan buzýshylyq tirkeldi.
Tártip buzýshylardyń tizimine Naýryzbaı aýdanynyń "Baq Saraı" meıramhanasy da tirkeldi, onda 100 qonaq boldy. Sondaı-aq 90 kelýshi bolǵan "Sultan Saraı" men "Nur-Aı" meıramhanalarynda buzýshylyqtar anyqtaldy.
Áýezov aýdanynyń mobıldi top ókilderi 24 shilde kúni Jetisý-4 shaǵyn aýdanyndaǵy "Veselıdze" dámhanasyndaǵy buzýshylyqtardy anyqtady. Jazǵy terrassada kelýshilerdiń sany 50%-dan asýyna baılanysty karantın shekteýi buzyldy. Sondaı-aq qyzmetkerler kelýshilerge betperdesiz qyzmet kórsetti.
Jalpy, osy jyly karantındik sharalardy buzǵan 2767 nysan anyqtalyp, 4798 hattama toltyryldy. Zańdy tulǵalarǵa 167 mln. teńgeden astam somaǵa 479 hattama jasaldy. Jeke tulǵalarǵa qatysty betperde rejımin buzǵany úshin 190 mln teńgege jýyq somaǵa 4319 hattama toltyryldy.
Karantındi qasaqana buzýshylarǵa qatysty qatań sharalar qabyldanýda. Jınalǵan materıaldardy sanıtarlyq dárigerler qyzmetin toqtatý úshin sottarǵa beredi. Bıylǵy jyly barlyǵy 75 materıal berilip, 65-i boıynsha sheshim qabyldandy.
Almatyda KVI-diń taralýynyń aldyn alý jónindegi qalalyq shtab almatylyqtardy karantındik shekteýlerdi saqtaýǵa, ruqsat etilgen jumys kestesinen tys oıyn-saýyq oryndaryna barmaýǵa shaqyrady. Betperde rejımin qatań saqtap, qoǵamdyq tamaqtaný oryndary men úıde de merekeler uıymdastyrmaǵan jón.
