Baiqaýǵa qalanyń 30 mektebinen sýret salýǵa beiim oqýshylary jetekshilerimen birge keldi. Baiqaýǵa qatysqan oqýshylar «Qaýipsizdik, órtten qorǵaný, tabiǵatty tótenshe jaǵdaidan qorǵaý» siiaqty taqyryptardy óz qiialdarymen aq qaǵazǵa túsirdi.
– Oqýshylardyń sýret sala bilýi olardyń boiyndaǵy shyǵarmashylyq erkindik pen belsendilikti qalyptastyrady jáne qaýipsizdik erejelerin saqtaýǵa úiretedi. Sonymen qatar aýyr ári qiyndyǵy bar jumys sanalatyn tótenshe jaǵdai komitetiniń qyzmetkerleriniń eńbegin baǵalaýǵa úiretkimiz keledi, – deidi Oqýshylar saraiy direktory Indira Sarqytqyzy.
Bul sharaǵa Tótenshe jaǵdailar departamentiniń tótenshe jaǵdailardy joiý basqarmasynyń basshysy, Azamatty qorǵaý polkovnigi Talǵat Serikuly da arnaiy qatysyp, óziniń jyly lebizin bildirdi.
Eki saǵatqa jýyq sýret salǵan balalardyń jumystaryn oblysymyzǵa belgili qylqalam sheberi Murat Shahanbaev bastaǵan qazylar alqasy baǵalady. Baǵalaý barysynda olardyń oi ushqyrlyqtary jáne beineleýine basa nazar aýdaryldy. Saiystyń qorytyndysy boiynsha júldeli III oryndy Bairam Hýshýdov pen Elizaveta Finakova ielense, II oryn Erkenaz Altynbaeva men Ajar Nyshanǵa buiyrdy. Al, I oryndy Sabrina Mahkamova jeńip aldy.
Sondai-aq Dina Joldybaeva men Arailym Ábdibek – úzdik ideia, Aqerke Jaqan – jas sýretshi, Janerke Alpysbai – úzdik sýret, Zieda Abdýganieva – jas sýretshi, Balkerim Atashbek pen Nargiza Ryskýlova – úzdik kompozitsiia ataǵyna ie boldy.
Jeńimpazdar men barlyq qatysýshylar uiymdastyrýshylardyń diplomdarymen jáne qundy syilyqtarymen marapattaldy.
