Shyńǵys Árinov Tótenshe jaǵdailar ministri qyzmetinen bosatyldy, dep habarlaidy dalanews.kz.
Onyń ornyna Memleket basshysynyń Jarlyǵymen Murat Seitmoldauly Muhanov Qazaqstan Respýblikasynyń Tótenshe jaǵdailar ministri laýazymyna taǵaiyndaldy.
Buǵan deiin Murat Muqanov Tótenshe jaǵdailar ministrligi apparatynyń basshysy bolǵan.
Murat Seitmoldauly 1985 jyly Mańǵystaý oblysynda dúniege kelgen. 2006 jyly Qazaqstan Respýblikasy TJM Kókshetaý tehnikalyq institýtyn, al 2020 jyly Resei TJM Memlekettik órtke qarsy qyzmetiniń Sankt-Peterbýrg ýniversitetin támamdaǵan.
Mansap
Azamattyq qorǵaý organdarynda 2002 jyldan beri qyzmet atqaryp keledi. Qyzmet jolyn Málik Ǵabdýllin atyndaǵy Azamattyq qorǵaý akademiiasynyń kýrsanty retinde bastap, Tótenshe jaǵdailar departamentiniń bastyǵyna deiingi barlyq qyzmettik satylardan ótken.
Eńbek jolyn Mańǵystaý oblysynyń Tótenshe jaǵdailar salasyndaǵy memlekettik baqylaý jáne qadaǵalaý basqarmasynyń normativtik-tehnikalyq bóliminiń bas mamany qyzmetinen bastaǵan. 2006-2010 jyldary memlekettik órt baqylaý baǵyty boiynsha ártúrli laýazymdarda qyzmet atqardy. 2010 jyly memlekettik órt baqylaý bóliminiń bastyǵy bolyp taǵaiyndaldy. 2016 jyly órt qaýipsizdigi salasyndaǵy baqylaý jáne profilaktikalyq qyzmet basqarmasynyń bastyǵy boldy. 2017 jyldan bastap departament bastyǵynyń orynbasary qyzmetin atqardy. 2020 jyldan beri Mańǵystaý oblysy Tótenshe jaǵdailar departamentiniń bastyǵy bolyp jumys istedi.
Murat Seitmoldauly II dárejeli «Aibyn» ordenimen marapattalǵan.
