Qazaqstanda tórtinshi munai óńdeý zaýytyn (MÓZ) 2026 jyly salý josparda joq. Bul týraly Aqorda kýlýarynda Energetika ministri Erlan Aqkenjenov málimdedi, dep habarlaidy Dalanews.kz.
Ministrdiń aitýynsha, joba qazir qujattama ázirleý kezeńinde jáne bul aitarlyqtai ýaqytty talap etedi.
"Bul óte uzaq protsess. Áńgime qýaty 10 million tonnaǵa deiingi zaýyt týraly bolyp otyr. Eger Shymkent munai óńdeý zaýytyn keńeitý jobasymen salystyrsaq, jobalyq qujattamany daiyndaý shamamen eki jylǵa sozylǵan. Sondyqtan bul jumys áli de jalǵasady", - dedi Aqkenjenov.
Al qurylysty 2027–2028 jyldary bastaý múmkin be degen naqty suraqqa ministr qysqa ǵana "Meniń oiymsha, iá" dep jaýap berdi.
