Úkimet Prezidenttiń tapsyrmasymen ónerkásip qaýipsizdigin qamtamasyz etý boiynsha talaptardy kúsheitedi, dep habarlaidy Dalanews.kz.
Premer-ministr Oljas Bektenov Memleket basshysynyń qaýipti óndiriske tartylǵan azamattardyń qaýipsizdigin qamtamasyz etý jónindegi tapsyrmalaryn júzege asyrý máseleleri boiynsha jumys keńesin ótkizdi.
Tótenshe jaǵdailar ministri Shyńǵys Árinov, ónerkásip jáne qurylys ministri Qanat Sharlapaev jańa tásilder jáne eńbek qaýipsizdigi salasyndaǵy atqarylyp jatqan jumystar týraly baiandady. Keńeske eńbek jáne halyqty áleýmettik qorǵaý, sondai-aq tsifrlyq damý, innovatsiialar jáne aeroǵarysh ónerkásibi ministrleri qatysty.
Qaýipsiz eńbek tujyrymdamasy aiasynda nysandardy tsifrlandyrýdy eskere otyryp, normativtik-quqyqtyq aktiler qaita qaralady, ónerkásip qaýipsizdigin, ǵylymdy damytýdy jáne tiisti ortalyqtar qurýdy qamtamasyz etetin nysandarǵa qoiylatyn, sondai-aq memlekettik eńbek inspektorynyń kadrlyq áleýeti men quqyqtyq mártebesin arttyrý jónindegi talaptar kúsheitildi.
Qazirgi ýaqytta ónerkásip qaýipsizdigi boiynsha jekelegen talaptar qaita qaralyp jatyr. Osylaisha, azamattyq qorǵaý týraly zań jobasy sheńberinde apattyq-qutqarý qyzmetterine qoiylatyn talaptar qatańdatylady, óndiristik baqylaý standarttary kúsheitilýde, qaýipti óndiristik nysandar ielerine jabdyqtardy jańartý jáne jańǵyrtý boiynsha jańa mindetter kózdelgen.
Sonymen qatar ónerkásiptik qaýipsizdik nysandary pasporttaryn jasaýǵa, apattardy esepke alýdy jáne basqa da protsesterdi avtomattandyrýǵa múmkindik beretin «E-ÓQK» aqparattyq júiesin iske qosý josparlanyp otyr.
Premer-ministr ónerkásip qaýipsizdigi salasyndaǵy baqylaý tetigine erekshe nazar aýdardy. Tótenshe jaǵdailar ministrligi ÓQM jáne EHÁQM-men birlesip, tekserý qorytyndysy boiynsha ónerkásiptik nysandar menshik ieleri men basshylarynyń qaýipsiz eńbek jaǵdailaryn qamtamasyz etý boiynsha jaýapkershiligin kúsheitý jóninde usynystar engizý tapsyryldy.
Ónerkásip jáne qurylys ministrligi Tótenshe jaǵdailar, Ekologiia jáne tabiǵi resýrstar ministrlikterimen birlesip, ónerkásip qaýipsizdigi is-sharalaryn ýaqtyly qarjylandyrý úshin jer qoinaýyn paidalanýshylardyń taý-ken jumystaryn júrgizý josparlaryna taldaý júrgizýi qajet.
Ónerkásip jáne qurylys, Tótenshe jaǵdailar ministrlikteri gazdar shyǵaryndylarymen bailanysty táýekelderdi azaitý úshin shahtalardy aldyn ala gazsyzdandyrý normativterin ázirleýi qajet.
TsDIAÓM otandyq IT-mamandarmen birlesip, ónerkásip qaýipsizdigin qamtamasyz etý boiynsha jańa sheshimder ázirleý tapsyryldy.
