Shtab músheleri «Peterfeld Agro» óndiris bazasynda soltústikqazaqstandyq sharýalarmen jáne aýylsharýashylyq taýarlaryn óndirýshilermen kezdesti. Is-shara barysynda kandidattyń sailaý aldyndaǵy baǵdarlamasynda kórsetilgen aldaǵy jeti jylda aýyl sharýashylyǵyn damytýǵa arnalǵan sharalar talqylandy.
«Sońǵy úsh jarym jylda Qazaqstan aýyr syn-qaterlermen betpe-bet keldi. Pandemiia, qasiretti qańtar oqiǵasy, búgingi geosaiasi ahýal elimizdiń damýyna óz saldaryn tigizdi. Soǵan qaramastan biz Táýelsizdigimizdi saqtap, memlekettiligimizdi nyǵaityp,birligimizdiarttyra tústik. Qazirgi tańda elimizjańa Ádiletti Qazaqstan qurý jolyndaǵy tarihi kezeńge qadam basyp otyr», – dedi Respýblikalyq qoǵamdyq shtab delegatsiiasynyń basshysy Máýlen Áshimbaev.
Sondai-aq RQSh músheleri Beskól aýylynda jurtshylyqpen kezdesip, óńirlerdiń infraqurylymyn damytý jónindegi sailaý aldyndaǵy bastamalardy talqylady.
Petropavl qalasyndaǵy Kozybayev University ýniversitetinde ótken jastarmen kezdesýde Shtab músheleri elimizdiń barlyq jas azamatyn óz qabiletin tolyq júzege asyrýy úshin áleýmettik-ekonomikalyq teń múmkindiktermen qamtamasyz etýge qatysty sailaý aldyndaǵy bastamaǵa nazar aýdardy.
Sonymen qatar Toqaevtyń jaqtastary S.Muqanov atyndaǵy oblystyq ámbebap ǵylymi kitaphanada jergilikti sarapshylarmen kezdesti. Kezdesýde kandidattyń azamattardyń quqyqtaryn qorǵaýǵa, sybailas jemqorlyqqa qarsy is-qimylǵa jáne memlekettik apparattyń tiimdiligin arttyrýǵa qatysty basymdyqtary talqylandy.
Odan bólek, qaǵaz ónimderin óndiretin «Raduga KDR» kompaniiasynyń jáne «Alageum Electric» elektrotehnikalyq zaýytynyń ujymdarymen kezdesýler ótti. Bul is-sharalarda Shtab músheleri sailaý aldyndaǵy baǵdarlamada aitylǵan qaýipsiz eńbek ortasyn qurý jáne eńbek zańnamasyn yryqtandyrý máselelerin túsindirdi.
