3 aqpanda Prezident Qasym-Jomart Toqaev Pákistanǵa memlekettik saparmen bardy, dep habarlaidy Dalanews.kz.
Pákistannyń shekarasyna engennen bastap Áskeri áýe kúshteriniń ushaqtary Qazaqstan Prezidenti mingen bortpen qaptaldasyp ushty.
Memleket basshysyn Islamabad áýejaiynda prezident Asif Ali Zardari men premer-ministr Shahbaz Sharif qarsy aldy.
Mártebeli meimannyń kelýine orai Qurmet qaraýyly sap túzep, zeńbirekten 21 márte oq atyldy. Sondai-aq, Qazaqstan men Pákistannyń týlaryn ustaǵan balalar Qasym-Jomart Toqaevqa qoshemet kórsetti.
Búgin joǵary deńgeide kelissózder júrgizilip, eki el arasyndaǵy saiasi, saýda-ekonomikalyq jáne mádeni-gýmanitarlyq yntymaqtastyqty nyǵaitý perspektivasy talqylanady.
