Prezıdent Qasym-Jomart Toqaev pen Astanaǵa resmı saparmen kelgen Germanıa kansleri Olaf Sholstyń birlesken baspasóz konferensıasy qazaqstandyq taraptyń bastamasymen ótkizilmedi. Bul týraly DPA agenttigi málim etti, - dep habarlaıdy Dalanews.kz.
"Toqaev pen Sholstyń aldyn ala josparlanǵan birlesken baspasóz konferensıasy bastalýyna az ýaqyt qalǵanda qazaqstandyq taraptyń sheshimimen toqtatyldy. Kanslerdiń úsh kúndik saparyndaǵy alǵashqy aıaldamasy Ózbekstanda basynan bastap birlesken baspasóz josparlanbaǵan", - dep jazdy basylym.
Nátıjesinde, Shols jýrnalıser aldynda jeke ózi sóz sóıledi. Germanıa úkimetiniń baspasóz qyzmeti habarlaǵandaı, Sholstan Qazaqstannyń bul sheshimine renjigeni týraly suraǵanda, ol bul suraqty aınalyp ótip, jaýap berýden bas tartqan.
Aıta keteıik, keshe Qasym-Jomart Toqaev pen Olaf Shols shaǵyn quramda kelissóz júrgizdi. Artynsha Memleket basshysy Germanıa federaldyq kansleri Olaf Sholspen keńeıtilgen quramda kelissóz júrgizdi.
