پرەزيدەنت قاسىم-جومارت توقايەۆ پەن استاناعا رەسمي ساپارمەن كەلگەن گەرمانيا كانسلەرى ولاف شولستىڭ بىرلەسكەن باسپا ءسوز كونفەرەنسياسى قازاقستاندىق تاراپتىڭ باستاماسىمەن وتكىزىلمەدى. بۇل تۋرالى DPA اگەنتتىگى ءمالىم ەتتى، - دەپ حابارلايدى Dalanews.kz.
"توقايەۆ پەن شولستىڭ الدىن الا جوسپارلانعان بىرلەسكەن باسپا ءسوز كونفەرەنسياسى باستالۋىنا از ۋاقىت قالعاندا قازاقستاندىق تاراپتىڭ شەشىمىمەن توقتاتىلدى. كانسلەردىڭ ءۇش كۇندىك ساپارىنداعى العاشقى ايالداماسى وزبەكستاندا باسىنان باستاپ بىرلەسكەن باسپا ءسوز جوسپارلانباعان"، - دەپ جازدى باسىلىم.
ناتيجەسىندە، شولس جۋرناليستەر الدىندا جەكە ءوزى ءسوز سويلەدى. گەرمانيا ۇكىمەتىنىڭ باسپا ءسوز قىزمەتى حابارلاعانداي، شولستان قازاقستاننىڭ بۇل شەشىمىنە رەنجىگەنى تۋرالى سۇراعاندا، ول بۇل سۇراقتى اينالىپ ءوتىپ، جاۋاپ بەرۋدەن باس تارتقان.
ايتا كەتەيىك، كەشە قاسىم-جومارت توقايەۆ پەن ولاف شولس شاعىن قۇرامدا كەلىسسوز جۇرگىزدى. ارتىنشا مەملەكەت باسشىسى گەرمانيا فەدەرالدىق كانسلەرى ولاف شولسپەن كەڭەيتىلگەن قۇرامدا كەلىسسوز جۇرگىزدى.
