Premer-mınıstr Oljas Bektenovtyń tóraǵalyǵymen sıfrlyq shtab otyrysy ótti. Otyrysta Memleket basshysy Qasym-Jomart Toqaevtyń Qazaqstan halqyna joldaýynda qoıǵan mindetterge nazar aýdaryldy, dep habarlaıdy Dalanews.kz.
"Memleket basshysy sıfrlyq qalypqa kóshý arqyly ekonomıkanyń barlyq salasyn jańǵyrtý mindetin qoıdy. Sondyqtan JI engizý naqty nátıjege baǵyttalýǵa tıis", - dedi Oljas Bektenov.Otyrys qorytyndysy boıynsha biryńǵaı ulttyq sıfrlyq júıeni qurýǵa baǵyttalǵan birqatar sheshim qabyldanǵan.
Úkimet basshysy memlekettik organdarǵa mynadaı tapsyrmalar berdi:
- 15 qarashaǵa deıin densaýlyq saqtaý salasynyń basym baǵyttaryna NQA-ǵa tıisti ózgerister engize otyryp, otandyq startaptardyń sheshimderin engizý;
- 20 jeltoqsanǵa deıin densaýlyq saqtaý salasyndaǵy 7 ártúrli aqparattyq júıeni Qaztech bazasyndaǵy ıntegrasıalanǵan 2 platformaǵa biriktirý;
- 1 jeltoqsannan bastap elektr jáne jylý jelilerin dıagnostıkalaý úshin jasandy ıntellekti tehnologıalaryn engizý;
- 20 jeltoqsanǵa deıin eldiń otyn-energetıkalyq kesheninde salalyq aqparattyq qaýipsizdik ortalyǵynyń jumysyn qamtamasyz etý.
Eske salaıyq, 8 qyrkúıekte Qasym-Jomart Toqaev jasandy ıntellektini jappaı engizý jáne jappaı sıfrlandyrý elimizdiń barlyq saladaǵy áleýetin eselep arttyratynyn málimdedi.
