Memleket basshysynyń Jarlyǵymen Nurlan Asqaruly Noǵaev Mańǵystaý oblysynyń ákimi laýazymynan bosatyldy, dep habarlaidy Dalanews.kz.
Eske salaiyq, kúni keshe Mańǵystaý oblysy ákimdiginiń resmi ókili Janna Saǵidolla oblys ákimi Nurlan Noǵaevqa qatysty shyqqan aqparatqa pikir bildirgen edi.
Buǵan deiin Yedilov.online telegramm arnasy Noǵaev qazirgi qyzmetinen ketýi múmkin ekenin jazǵan bolatyn.
“Keibir derekkózderdiń aqparaty boiynsha Mańǵystaý oblysynyń ákimi Nurlan Noǵaev basqa jumysqa aýysýyna bailanysiy qazirgi laýazymynan ketedi”, - dep jazǵan.
Bul jazbanyń astyna ákimdiktiń resmi ókili, baspasóz hatshy Janna Saǵidolla pikir bildirgen.
“Mańǵystaý oblysynyń ákimi Nurlan Noǵaev óz jumys ornynd”», - dep jazdy ol.
Aita keteiik, Noǵaev Nurlan Asqaruly 1967 jyly 30 shildede Aqtóbe oblysy Muǵaljar aýdany Qandyaǵash qalasynda dúniege kelgen. 1993 jyly I. Gýbkin atyndaǵy Máskeý memlekettik munai jáne gaz akademiiasyn taý-ken injineri mamandyǵy boiynsha, 1999 jyly Qazaq memlekettik basqarý akademiiasyn «halyqaralyq ekonomikalyq qatynastar» mamandyǵy boiynsha jáne 2006 jyly RF SIM Máskeý memlekettik halyqaralyq qatynastar institýtyn (Ýniversitet) iskerlik ákimshilik magistrin bitirdi.
Eńbek jolyn Aqtóbe oblysy Oktiabrsk qalasynyń Qandyaǵash stantsiiasynda elektromonter bolyp bastaǵan.
Máskeý qalasynda munai ónimderi jónindegi aǵa sarapshy, «Gili-Pasker» JShS-niń bólim bastyǵy (1993-1995); Almaty qalasynda «Otyrar LTD» shaǵyn kásiporny bas direktorynyń orynbasary (1995-1996); 1996-2006 jyldary aralyǵynda marketing jónindegi injener, «Qazaqtúrikmunai» JShS-niń marketingi, munai jáne munai ónimderin satý bóliminiń bastyǵy, bas direktory qyzmetterin atqarǵan.
2006 jylǵy aqpan-tamyz aralyǵynda «QazMunaiGaz» Ulttyq kompaniiasy» AQ-nyń atqarýshy direktory boldy. 2006 jyldyń tamyzynan bastap Qazaqstan Respýblikasy Energetika jáne mineraldyq resýrstar ministrliginiń Munai ónerkásibi departamentiniń direktory bolyp jumys istedi.
2007 jyldyń qyrkúieginen bastap Batys Qazaqstan oblysy ákiminiń ekonomika, qarjy jáne munai-gaz sektory máselelerine jetekshilik etetin orynbasary boldy.
2012 jyldyń 20 qańtarynda Batys Qazaqstan oblysynyń ákimi bolyp taǵaiyndaldy.
2016-2019 jyldary aralyǵynda – Atyraý oblysynyń ákimi. 2019 jylǵy 18 jeltoqsan - 2021 jylǵy 7 qyrkúiekke deiin Energetika ministri boldy.
2021 jyldyń 7 qyrkúieginen bastap Qazaqstan Respýblikasy Prezidentiniń Jarlyǵymen Mańǵystaý oblysynyń ákimi bolyp taǵaiyndaldy.
