Budan buryn Memleket basshysy Qasym-Jomart Toqaev «QazAgro» holdıńiniń jumysyn synǵa alǵan. Prezıdent sózinen keıin kompanıa basshylyǵy holdıńini reformalaýdy qolǵa alypty.
Munyń negizinde:
- QazAgronyń enshiles kompanıalarynyń sanyn qysqartý, olardyń arasynda fýnksıalardyń qaıtalanýyn boldyrmaý arqyly yqsham Holdıńke aınaldyrý;
- Holdıńtiń basqarý organdaryna sheteldik sarapshylardy tartý;
- shtatty ońtaılandyrý jáne Holdıńtiń operasıalyq shyǵystaryn qysqartý jónindegi jumysty jalǵastyrý;
- aýyl sharýashylyǵyn qarjylandyrýǵa baǵyttalǵan búdjettik qarajattyń tıimdi jáne maqsatty paıdalanylýyn qamtamasyz etý;
- aýyl sharýashylyǵy taýar óndirýshileri úshin tıimdi nesıe ónimderin ázirleý, nesıe berý prosesin barynsha avtomattandyrý jáne nesıe ótinimderin qaraý ýaqytyn qysqartý jumystary júrgizilmek eken.
Budan bólek nesıe qorjynynyń sapasyn jaqsartý jáne toqtap turǵan jobalardy saýyqtyrý boıynsha sharalar paketi qabyldandy.
"Reformalar nátıjesinde Holdıń qysqa merzimde yqsham jáne tıimdi qarjy ınstıtýtyna aınalady. QazAgro óz qyzmetiniń nátıjeliligin arttyrýdy jáne 2020 jyldyń qorytyndysy boıynsha taza paıda alýdy kózdep otyr" – dep sendiredi kompanıa basshylyǵy.
