بۇدان بۇرىن مەملەكەت باسشىسى قاسىم-جومارت توقايەۆ «قازاگرو» حولدينگىنىڭ جۇمىسىن سىنعا العان. پرەزيدەنت سوزىنەن كەيىن كومپانيا باسشىلىعى حولدينگىنى رەفورمالاۋدى قولعا الىپتى.
مۇنىڭ نەگىزىندە:
- قازاگرونىڭ ەنشىلەس كومپانيالارىنىڭ سانىن قىسقارتۋ، ولاردىڭ اراسىندا فۋنكسيالاردىڭ قايتالانۋىن بولدىرماۋ ارقىلى ىقشام حولدينگكە اينالدىرۋ؛
- حولدينگتىڭ باسقارۋ ورگاندارىنا شەتەلدىك ساراپشىلاردى تارتۋ؛
- شتاتتى وڭتايلاندىرۋ جانە حولدينگتىڭ وپەراسيالىق شىعىستارىن قىسقارتۋ جونىندەگى جۇمىستى جالعاستىرۋ؛
- اۋىل شارۋاشىلىعىن قارجىلاندىرۋعا باعىتتالعان بيۋدجەتتىك قاراجاتتىڭ ءتيىمدى جانە ماقساتتى پايدالانىلۋىن قامتاماسىز ەتۋ؛
- اۋىل شارۋاشىلىعى تاۋار وندىرۋشىلەرى ءۇشىن ءتيىمدى نەسيە ونىمدەرىن ازىرلەۋ، نەسيە بەرۋ پروسەسىن بارىنشا اۆتوماتتاندىرۋ جانە نەسيە وتىنىمدەرىن قاراۋ ۋاقىتىن قىسقارتۋ جۇمىستارى جۇرگىزىلمەك ەكەن.
بۇدان بولەك نەسيە قورجىنىنىڭ ساپاسىن جاقسارتۋ جانە توقتاپ تۇرعان جوبالاردى ساۋىقتىرۋ بويىنشا شارالار پاكەتى قابىلداندى.
"رەفورمالار ناتيجەسىندە حولدينگ قىسقا مەرزىمدە ىقشام جانە ءتيىمدى قارجى ينستيتۋتىنا اينالادى. قازاگرو ءوز قىزمەتىنىڭ ناتيجەلىلىگىن ارتتىرۋدى جانە 2020 جىلدىڭ قورىتىندىسى بويىنشا تازا پايدا الۋدى كوزدەپ وتىر" – دەپ سەندىرەدى كومپانيا باسشىلىعى.
