Atyraý munai óńdeý zaýytynyń bas direktory men bas injeneri qyzmetinen bosatyldy. "QazMunaiGaz" komissiiasynyń jumysynan keiin osyndai sheshim qabyldandy, dep habarlaidy Dalanews.kz.
"QazMunaiGaz" UK AQ Atyraý munai óńdeý zaýytyndaǵy ahýalǵa bailanysty qurylǵan komissiia jumysynyń nátijesin jariia etti.
"Atyraý munai óńdeý zaýytynyń bas direktory Ǵalymjan Jýsanbaev pen bas direktordyń orynbasary – bas injener Ádilet Shoshanbasovty qyzmetterinen bosatý týraly sheshim qabyldandy. Bas direktordyń mindetin atqarý ári qarai sheshim qabyldanǵanǵa deiin Atyraý munai óńdeý zaýyty bas direktorynyń orynbasary – tehnikalyq direktor Oleg Aleksandrovich Lyzlovqa júkteletin bolady", -dep habarlady kompaniianyń baspasóz qyzmeti.
Zaýyt munai ónimderin óndirýdi jáne jóneltýdi shtattyq rejimde jalǵastyryp jatyr.
Eske sala ketelik, buǵan deiin AMÓZ atqarýshy direktory Ǵalymjan Jýsanbaev prezident Qasym-Jomart Toqaevqa úndeý joldap, "QazMunaiGaz" ulttyq kompaniiasynyń basshylyǵy oǵan zaýyttaǵy jaǵdai týraly buqaralyq aqparat quraldarynda sóileýge tyiym salǵanyn málimdegen bolatyn.
