Prezident Qasym-Jomart Toqaev qazaqstandyqtardy Halyqaralyq balalardy qorǵaý kúnimen quttyqtady, dep habarlaidy dalanews.kz.
"Halyqaralyq balalardy qorǵaý kúni qutty bolsyn! Jas urpaqtyń quqyǵyn qorǵaý, densaýlyǵyn saqtaý jáne olardyń jan-jaqty damýyna qolaily jaǵdai jasaý – jalpyulttyq maqsat jáne konstitýtsiialyq mindet. Aýyzbirshiligi myqty, tatý-tátti otbasy – baqytty balalyq shaqtyń arqaýy. Sondyqtan otbasy qundylyqtaryn qorǵaý jańa Konstitýtsiianyń asa mańyzdy normasynyń biri retinde aiqyndaldy. Óskeleń urpaqtyń jasampazdyq rýhy orasan zor", – dedi Memleket basshysy.
Sondai-aq Qasym-Jomart Toqaev qazaqstandyq balalardyń bilimde, sportta jáne ónerde joǵary jetistikterge jetip júrgenine nazar aýdardy.
"Meniń bastamammen qolǵa alynǵan "Ulttyq qor – balalarǵa" jobasy aiasynda memleket tarapynan árbir balaǵa qamqorlyq jasalyp jatyr. Biyl "Qazaqstan balalary" tujyrymdamasy iske asyryla bastady. Jas býyndy qoldaý árdaiym elimizdiń, iaǵni Ádiletti jáne Ozyq Qazaqstannyń basty nazarynda bolady", – dep jazdy Prezident Instagram paraqshasynda.
