Qasym-Jomart Toqaev UQShU Ujymdyq qaýipsizdik keńesiniń shaǵyn quramdaǵy sessiiasyna qatysty, dep habarlaidy Dalanews.kz.
Sessiia otyrysyna Belarýs Prezidenti Aleksandr Lýkashenko, Qyrǵyzstan Prezidenti Sadyr Japarov, Resei Prezidenti Vladimir Pýtin, Tájikstan Prezidenti Emomali Rahmon, sondai-aq UQShU Bas hatshysy Imanǵali Tasmaǵambetov qatysty. Memleket basshysy Ujymdyq qaýipsizdik týraly shart uiymy Eýraziia keńistigindegi beibitshilik pen turaqtylyqty qamtamasyz etetin negizgi qurylymdardyń birine ainalǵanyn atap ótti.
"UQShU qazirgi syn-qaterler jaǵdaiynda uiymǵa múshe barlyq el úshin qaýipsizdik kepili retinde óziniń qajet ekenin kórsetip otyr. Bizdiń úilesimdi áreketterimiz, ózara senim men qoldaýymyz eń qiyn ári aýqymdy mindetterdi sheshý jolyndaǵy ujymdyq qabiletimizdi nyǵaitady. UQShU – jai ǵana áskeri seriktestik emes, memleketterimizdiń egemendigi men aýmaqtyq tutastyǵyn qorǵaý maqsatyndaǵy kúsh-jigerimiz ben resýrstarymyzdy biriktiretin biregei mehanizm ekenin atap ótken lázim", – dedi Qasym-Jomart Toqaev.
Prezident Qazaqstannyń UQShU tóraǵasy retinde uiymǵa múshe elder arasyndaǵy tyǵyz qarym-qatynasty nyǵaitýǵa, daǵdarys jaǵdailarynda jedel áreket etý tetikteriniń tiimdiligin arttyrýǵa bar kúsh-jigerin jumsaǵanyn aitty.
Sondai-aq terrorizm, kibershabýyl, transulttyq qylmys jáne zańsyz esirtki ainalymy sekildi qazirgi zamannyń qaýip-qaterlerine qarsy kúreste Uiym múmkindikterin jetildirýge basa mán berdi.
"Uiymnyń jarǵylyq organdarynyń otyrystary, áskeri oqý-jattyǵý jiyndary jáne profilaktikalyq operatsiialar josparly túrde uiymdastyryldy. Syrtqy ister jáne qorǵanys ministrleri ujymdyq qaýipsizdiktiń ózekti máselelerin qarastyrdy. Qaýipsizdik keńesi hatshylary men parlament spikerleriniń deńgeiinde kezdesýler ótti. Uiymnyń qosymsha jáne jumys organdarynyń keńesteri ótkizildi. UQShU qyzmetiniń túrli baǵyttary boiynsha konsýltatsiialar jasaldy. Sessiiaaralyq kezeńde birqatar mańyzdy qujattar qabyldandy. Olar halyqaralyq yntymaqtastyq, qorǵanys salasyndaǵy yqpaldastyq, sondai-aq ujymdyq qaýipsizdiktiń ózekti syn-qaterleri men qaýipterine qarsy is-qimyl máselelerin qamtidy. Uly Jeńistiń 80 jyldyǵyn atap ótýge qatysty daiyndyq jumystaryna airyqsha mán berildi. Búgin bizge Ujymdyq qaýipsizdik keńesiniń tiisti málimdemesi usynylady. Jalpy, Qazaqstan Respýblikasynyń Uiymǵa tóraǵalyǵy kezinde qoiylǵan mindetterdiń bári oryndaldy. Biz belgilegen basymdyqtardy júzege asyrýǵa qoldaý kórsetkenderińiz jáne birlese nátijeli jumys atqarǵandaryńyz úshin alǵys aitamyn", – dedi Memleket basshysy.
Jiyn barysynda halyqaralyq jáne óńirlik qaýipsizdik máseleleri talqylandy. Budan bólek, Qazaqstan Respýblikasynyń 2024 jyly UQShU-ǵa tóraǵalyǵy qorytyndylandy jáne aldaǵy kezeńniń jospary naqtylandy.
