Prezident Qasym-Jomart Toqaev 2025 jyly 24 qańtarda Ulttyq bank tóraǵasy Timýr Súleimenovti qabyldady, dep jazady Dalanews.kz.
Timýr Súleimenov Ulttyq banktiń byltyr júzege asyrǵan aqsha-kredit saiasatynyń qorytyndy esebi men 2025 jylǵa arnalǵan monetarlyq retteý josparyn baiandap, Qazaqstan ekonomikasy men qarjy júiesiniń ahýaly, iskerlik belsendilik, infliatsiia faktorlary, sondai-aq baǵany turaqtandyrý jáne infliatsiia deńgeiin ortamerzimdi maqsatqa sáikes 5 paiyzǵa jetkizý úshin qabyldanyp jatqan sharalar jóninde málimet berdi. Onyń aitýynsha, 2024 jyldyń qorytyndysy boiynsha infliatsiia Ulttyq banktiń boljaǵan sheginde qalyptasqany, iaǵni 8,6% paiyzdy quraǵanyn aitty.
Sondai-aq ol Ulttyq qordyń aktivteri, altyn-valiýta rezervteri jáne Biryńǵai jinaqtaýshy zeinetaqy qorynyń jai-kúii jóninde aqparat berdi:
- 2024 jyly Ulttyq qor aktivterin basqarýdan túsken tabys 7,5 paiyzǵa artyp, 4,5 milliard dollardy quraǵan;
- Ulttyq banktiń altyn-valiýta rezervteri 45,8 milliard dollarǵa jetip, 27,4 paiyzǵa ulǵaiǵan;
- BJZQ-nyń zeinetaqy aktivterin basqarýdan túsken investitsiialyq tabys 3,4 trillion teńgeni quraǵan. Al kiris kórsetkishi infliatsiiadan eki ese asyp túsip, 17,8 paiyzǵa jetken.
Ortalyq bank basshysy valiýta naryǵyndaǵy jaǵdai tanystyrylyp, teńgeniń turaqtylyǵyn qamtamasyz etý úshin júzege asyrylyp jatqan sharalar týraly baiandap, bank sektoryndaǵy jaǵdaidyń turaqtylyǵy, depozitter bazasynyń qalypty ósiminiń jalǵasýy, sondai-aq qarjy turaqtylyǵyn qamtamasyz etý sharalary men makroprýdentsiialyq saiasattyń tiimdiligin arttyrý jospary jóninde aitty.
Kezdesýde Ulttyq tsifrlyq qarjy infraqurylymyn damytý nátijeleri men Antifrod-ortalyǵynyń qyzmeti de tanystyryldy.
Memleket basshysy infliatsiiany tejep, qarjy sektorynyń turaqtylyǵyn qamtamasyz etý mańyzdy ekenine nazar aýdardy. Bul rette Qasym-Jomart Toqaev Ulttyq bank pen Úkimet makroekonomikalyq saiasatty úilesimdi júrgizýi qajet ekenin atap ótip, Ulttyq bank qyzmetine qatysty birqatar naqty tapsyrma berdi.
