Memleket basshysy Ulytaý oblysynyń ákimi Dastan Ryspekovti qabyldady, dep habarlaidy Dalanews.kz.
Prezidentke oblystyń áleýmettik-ekonomikalyq damýynyń qorytyndylary týraly esep berilip, aldaǵy kezeńge arnalǵan jospary tanystyryldy.
Qasym-Jomart Toqaevqa ótken jyly ónerkásip óndirisi 8 paiyzǵa, qurylys jumystarynyń kólemi 28 paiyzǵa jáne turǵyn úidi paidalanýǵa berý kórsetkishi 30 paiyzǵa óskeni jóninde baiandaldy.
Oblys ákiminiń aitýynsha, byltyr óńirge 226 milliard teńgeden astam investitsiia tartylǵan. Onyń 89 paiyzy – jeke investitsiia. Jalpy somasy 940 milliard teńge bolatyn investitsiialyq pýl jasaqtaldy. Biyl quny 138 milliard teńgeni quraityn 17 jobany iske asyrý josparlanyp otyr. Bul oraida qurylys, saýda, logistika, energiianyń balama kózderi jáne týrizm salalary investitsiia tartýǵa aitarlyqtai tartymdy dep tanylǵan.
Memleket basshysyna jylytý maýsymynyń barysy jáne «Taza Qazaqstan» ekologiialyq aktsiiasyn ótkizý jaiynda málimet berildi.
Prezidentke qaterli óndiris oryndarynda eńbek etetin azamattardyń qaýipsizdigin saqtaý baǵytynda buǵan deiin bergen tapsyrmasyna sai atqarylyp jatqan jumystar týraly baiandaldy. Tiisti sharalardy ákimdik Úkimetpen birlesip júrgizýde. Dastan Ryspekov «Qazaqmys» korporatsiiasynyń kenishinde taiaýda bolǵan apat saldarynan qaza tapqan shahterlerdiń otbasylaryna qandai kómek kórsetilip jatqanyn aitty.
Qasym-Jomart Toqaev biznestiń áleýmettik jaýapkershiligin arttyrý úshin jer qoinaýyn paidalanýshy iri kompaniialarmen jumysty jalǵastyrýdyń mańyzdy ekenin atap ótti.
Oblys ákimine kólik-logistika áleýetin arttyrý, infraqurylymdy jańǵyrtý, sapaly meditsinalyq qyzmet kórsetý, halyqty taza aýyzsýmen qamtamasyz etý jáne ekologiialyq máselelerdi sheshý jóninde tapsyrma berildi.
