مەملەكەت باسشىسى ۇلىتاۋ وبلىسىنىڭ ەكٸمٸ داستان رىسپەكوۆتٸ قابىلدادى, دەپ حابارلايدى Dalanews.kz.
پرەزيدەنتكە وبلىستىڭ ەلەۋمەتتٸك-ەكونوميكالىق دامۋىنىڭ قورىتىندىلارى تۋرالى ەسەپ بەرٸلٸپ, الداعى كەزەڭگە ارنالعان جوسپارى تانىستىرىلدى.
قاسىم-جومارت توقاەۆقا ٶتكەن جىلى ٶنەركەسٸپ ٶندٸرٸسٸ 8 پايىزعا, قۇرىلىس جۇمىستارىنىڭ كٶلەمٸ 28 پايىزعا جەنە تۇرعىن ٷيدٸ پايدالانۋعا بەرۋ كٶرسەتكٸشٸ 30 پايىزعا ٶسكەنٸ جٶنٸندە باياندالدى.
وبلىس ەكٸمٸنٸڭ ايتۋىنشا, بىلتىر ٶڭٸرگە 226 ميلليارد تەڭگەدەن استام ينۆەستيتسييا تارتىلعان. ونىڭ 89 پايىزى – جەكە ينۆەستيتسييا. جالپى سوماسى 940 ميلليارد تەڭگە بولاتىن ينۆەستيتسييالىق پۋل جاساقتالدى. بيىل قۇنى 138 ميلليارد تەڭگەنٸ قۇرايتىن 17 جوبانى ٸسكە اسىرۋ جوسپارلانىپ وتىر. بۇل ورايدا قۇرىلىس, ساۋدا, لوگيستيكا, ەنەرگييانىڭ بالاما كٶزدەرٸ جەنە تۋريزم سالالارى ينۆەستيتسييا تارتۋعا ايتارلىقتاي تارتىمدى دەپ تانىلعان.
مەملەكەت باسشىسىنا جىلىتۋ ماۋسىمىنىڭ بارىسى جەنە «تازا قازاقستان» ەكولوگييالىق اكتسيياسىن ٶتكٸزۋ جايىندا مەلٸمەت بەرٸلدٸ.
پرەزيدەنتكە قاتەرلٸ ٶندٸرٸس ورىندارىندا ەڭبەك ەتەتٸن ازاماتتاردىڭ قاۋٸپسٸزدٸگٸن ساقتاۋ باعىتىندا بۇعان دەيٸن بەرگەن تاپسىرماسىنا ساي اتقارىلىپ جاتقان جۇمىستار تۋرالى باياندالدى. تيٸستٸ شارالاردى ەكٸمدٸك ٷكٸمەتپەن بٸرلەسٸپ جٷرگٸزۋدە. داستان رىسپەكوۆ «قازاقمىس» كورپوراتسيياسىنىڭ كەنٸشٸندە تاياۋدا بولعان اپات سالدارىنان قازا تاپقان شاحتەرلەردٸڭ وتباسىلارىنا قانداي كٶمەك كٶرسەتٸلٸپ جاتقانىن ايتتى.
قاسىم-جومارت توقاەۆ بيزنەستٸڭ ەلەۋمەتتٸك جاۋاپكەرشٸلٸگٸن ارتتىرۋ ٷشٸن جەر قويناۋىن پايدالانۋشى ٸرٸ كومپانييالارمەن جۇمىستى جالعاستىرۋدىڭ ماڭىزدى ەكەنٸن اتاپ ٶتتٸ.
وبلىس ەكٸمٸنە كٶلٸك-لوگيستيكا ەلەۋەتٸن ارتتىرۋ, ينفراقۇرىلىمدى جاڭعىرتۋ, ساپالى مەديتسينالىق قىزمەت كٶرسەتۋ, حالىقتى تازا اۋىزسۋمەن قامتاماسىز ەتۋ جەنە ەكولوگييالىق مەسەلەلەردٸ شەشۋ جٶنٸندە تاپسىرما بەرٸلدٸ.
