Qasym-Jomart Toqaev Túrki memleketteri uiymynyń Tsifrlyq innovatsiialar ortalyǵyn qurýdy usyndy, dep habarlaidy Dalanews.kz.
Prezident Qazaqstan tsifrlandyrý isine, sonyń ishinde jasandy intellekt salasyn damytýǵa erekshe mán beretinin málimdep, tolyq tsifrlyq el bolýdy strategiialyq maqsat retinde aiqyndaǵanyn jetkizdi.
"Jasandy intellektini jappai damytý úshin bilikti mamandar daiarlaýdy qolǵa aldyq. Baǵdarlama aiasynda jyl basynan beri 400 myńnan asa stýdent arnaiy bilim aldy. Sondai-aq, jasandy intellekt mamandaryn oqytatyn tuńǵysh zertteý ýniversitetin ashýdy josparlap otyrmyz. Qazaqstan osy oqý ordasynda bilim alýǵa niet bildirgen túrki elderiniń jastaryna arnaiy granttar bólýge daiyn", – dedi Memleket basshysy.
