Naýryzbai aýdanynyń turǵyndarymen kezdesý kezinde qala turǵyny «Elisei alańy» turǵyn úi kesheni beinebaqylaý júielerin ornatý baǵdarlamasyna engenin, alaida, tiisti 35 kameranyń ornyna tek 2 beinekamera bólingenin aityp, máseleni sheshýdi surady.
Erbolat Dosaev «Elisei alańy» turǵyn úi kesheni qaýipsizdigi nashar jer emes ekenin aitty.
«Bizde tipti jaryǵy joq kósheler bar. Bul máseleni 2023 jylǵa deiin sheshýdi niet etip otyrmyz. Beinekamera boiynsha kezeń-kezeńimen alǵa jyljimyz. Naýryzbai aýdany boiynsha beinekameralardy politsiia departamenti qajet degen jerge eń birinshi kezekte ornatamyz.
Jalpy, Prezident tapsyrmasyna sáikes, biyl Almatyda qosymsha 3050 beinekamerasyn ornatamyz.
Kelesi jyly olardyń sanyn ulǵaitpaqpyz. Ol úshin beinemonitoring júielerin satyp alýǵa qosymsha qarajat qarastyrylady»,- dedi Erbolat Dosaev.
