Muny Prezidenttiń baspasóz hatshysy Berik Ýáli óziniń Feisbýktaǵy paraqshasynda habarlady.
«Memleket basshysy Shornaq aýyly men Sátbaev qalasyndaǵy oqiǵalarǵa bailanysty Prezident Ákimshiliginiń basshylyǵymen, Túrkistan jáne Qaraǵandy oblystarynyń ákimderimen, quqyq qorǵaý organdarynyń basshylyǵymen keńes ótkizdi.
Der kezinde qabyldanǵan sheshimderdiń arqasynda Shornaq aýyly men Sátbaev qalasyndaǵy jaǵdai turaqtaldy. Tártipsizdiktiń qaitalanýyna eshqandai sebep joq» dep jazdy Berik Ýáli áleýmettik jelidegi paraqshasynda.
Onyń aitýynsha, Prezident jaǵdaidy baqylaýda ustap, jergilikti turǵyndar arasynda túsindirý jumystaryn júrgizýdi, el ishindegi turaqtylyqty buzýǵa talpynǵan arandatýshylardyń aldyn alýdy, quqyq buzýshylardy zań aiasynda jaýapkershilikke tartýdy tapsyrǵan.
«Sonymen qatar ol atalǵan aimaqtardaǵy halyqtyń eń basty áleýmettik-ekonomikalyq qajettilikterine nazar aýdarý kerek ekenin aitty.
Al quqyq qorǵaý organdaryna kámelet jasyna tolmaǵan qyzdy zorlamaq boldy degen kúdikpen ustalǵan Sátbaev qalasynyń turǵynyna qatysty tergeý jumystaryn jan-jaqty júrgizip, onyń qorytyndysy týraly jurtshylyqqa naqty aqparat berý týraly tapsyrma berdi» dep atap ótti Prezidenttiń baspasóz hatshysy.
Eske sala keteiik, búgin QR Ishki ister ministri Erlan Turǵymbaev Shornaqtaǵy jaǵdai turaqtalyp, 4 adam qamaýǵa alynǵanyn jariia etken edi. Al Sátpaev qalasynda 5 jasar qyzdy urlaǵan kúdikti qamaýǵa alyndy. Alaida birneshe adam kúdiktini óz qolyna berýdi talap etip, janjal shyǵarǵan bolatyn.
