Prezıdent Qasym-Jomart Toqaev Álibek Qýantyrovty jańa qyzmetke taǵaıyndady, - dep habarlaıdy Dalanews.kz. 

"Memleket basshysynyń ókimimen Álibek Sakenuly Qýantyrov Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy", - delingen Aqorda habarlamasynda. 

Bul qyzmetti atqarǵan Nazıra Nurbaeva Memleket basshysynyń ókimimen Qazaqstan Respýblıkasy Syrtqy ister mınıstriniń orynbasary laýazymynan bosatyldy. 

Eske salaıyq, Álibek Qýantyrov buǵan deıin KAZENERGY-diń bas dırektory boldy. 

Álibek Qýantyrov 1983 jyly Atyraý qalasynda týǵan.

Tomsk memlekettik ýnıversıtetin, Mıchıgan ýnıversıtetin bitirgen.

Eńbek jolyn 2005 jyly QR Ekonomıka jáne búdjettik josparlaý mınıstrliginde jetekshi mamannyń m.a. bolyp bastady.

2005-2010 jyldary - QR Ekonomıka jáne búdjettik josparlaý mınıstrliginde túrli laýazymdarda jumys istedi.

2010-2013 jyldary - QR Qarjy mınıstrliginiń Búdjettik josparlaý jáne boljamdaý departamenti dırektorynyń orynbasary.

2013 j. - QR Indýstrıa jáne jańa tehnologıalar mınıstrliginiń Geologıa jáne jer qoınaýyn paıdalaný komıteti tóraǵasynyń orynbasary.

2013-2019 jyldary - QR Prezıdent ákimshiliginde túrli qyzmetter atqardy.

2022-2024 jyldar aralyǵynda ol ulttyq ekonomıka mınıstri qyzmetin atqardy.