Prezident elordada Aziiadaǵy ózara is-qimyl jáne senim sharalary keńesi (AÓSShK) shtab-páteriniń ashylý rásimine qatysty, dep habarlaidy Dalanews.kz.
Qasym-Jomart Toqaev pen AÓSShK bas hatshysy Qairat Sarybai uiymnyń negizgi keńsesindegi eskertkish taqtany saltanatty túrde ashty.
Sodan keiin Qurmet qaraýyly rotasy AÓSShK týyn kóterdi. Memleket basshysy jańa shtab-páterdegi jumys kabinetterin, open space aýmaǵyn, aýdarmashylar keńsesin, tóraǵalyq zalyn jáne mýzei-kitaphana bólmelerin aralap kórdi.
Prezident is-sharaǵa jinalǵan qaýym aldynda sóz sóilep, elimizdegi diplomatiia salasynyń qyzmetkerleri men ardagerlerin kásibi merekelerimen quttyqtady.
"Babalarymyz ǵasyrlar boiy "dala diplomatiiasymen" ómir súrgen. Halqymyzdyń mámilegerlik dástúriniń arqasynda uly dalada beibit ómirdiń erekshe úlgisi qalyptasqan. Qurmet pen syilastyq qashanda qasterli qundylyq retinde baǵalanǵan. Erteden kele jatqan osy qaǵida – syrtqy saiasatymyzdyń myzǵymas tiregi ári ainymas temirqazyǵy", – dedi Memleket basshysy.
Prezident Astanada Aziiadaǵy ózara is-qimyl jáne senim sharalary jónindegi keńes shtab-páteriniń ashylýyn shyn máninde eleýli tarihi ýaqiǵa retinde atap ótti.
"Otyz jyldan asa ýaqyt buryn Qazaqstan Aziiadaǵy ózara is-qimyl jáne senim sharalary jónindegi keńesti qurý bastamasyn kóterdi. Bul halyqaralyq qoǵamdastyq tarapynan turaqtylyq pen qaýipsizdikti nyǵaitý jolynda óńir elderiniń kúsh-jigerin biriktirý úshin der kezinde jasalǵan qadam retinde keń qoldaýǵa ie boldy. Biz áýel basta tek yntymaqtastyq, ózara túsinistik pen dialog arqyly ǵana beibitshilik pen turaqtylyqty saqtap, ósip-órkendei alatynymyzǵa sendik. Uiymnyń senim sharalaryn nyǵaitý qaǵidaty qazirgi zamanda asa ózekti. Aziianyń 90 paiyzyn qamtityn jáne álem halqynyń jartysynan astamyn biriktiretin AÓSShK halyqaralyq qatynastardyń damyp kele jatqan arhitektýrasyndaǵy mańyzdy elementke ainaldy", – dedi Qasym-Jomart Toqaev.
Prezident geosaiasi shielenistiń órshýi men kópjaqtylyq qaǵidattarynyń álsireýi óńirlik jáne jahandyq turaqtylyqqa edáýir qaýip tóndiretinine nazar aýdardy.
"Álem buryn-sońdy bolmaǵan kúrdeli úderistermen betpe-bet kelip otyr. Ony baiyppen zerdelep, tereń túsiný qajet. Shyn máninde, halyqaralyq quqyqtyń negizderi birtindep kúirep, ózderin zań talaptarynan joǵary qoiatyn kúshter paida bola bastady. Mundai jaǵdaida barlyq eldiń halyqaralyq quqyq pen BUU Jarǵysy qaǵidattaryn qatań saqtap, ortaq normalardy birjaqty tápsirlemeýi mańyzdy", – dedi Memleket basshysy.
Qasym-Jomart Toqaevtyń aitýynsha, Qazaqstan aýqymdy saiasi jáne ekonomikalyq reformalardy júieli túrde júzege asyrýǵa nietti.
"Meniń Prezident retindegi ustanymym – elimizde zań men tártip myzǵymas qaǵidatqa ainalýǵa tiis. Júrgizilgen reformalar nátijesinde beibit jinalystar týraly zań jetildirilip, saiasi partiialardy tirkeý shegi tómendetildi. Jala jabýdy qylmys sanatynan shyǵaryp, ólim jazasyn alyp tastadyq. Bul sharalar elimizdiń demokratiia qundylyqtaryna, zań ústemdigine árdaiym beiil ekenin kórsetedi", – dedi Qasym-Jomart Toqaev.
