پرەزيدەنت ەلوردادا ازيياداعى ٶزارا ٸس-قيمىل جەنە سەنٸم شارالارى كەڭەسٸ (اٶسشك) شتاب-پەتەرٸنٸڭ اشىلۋ رەسٸمٸنە قاتىستى, دەپ حابارلايدى Dalanews.kz.
قاسىم-جومارت توقاەۆ پەن اٶسشك باس حاتشىسى قايرات سارىباي ۇيىمنىڭ نەگٸزگٸ كەڭسەسٸندەگٸ ەسكەرتكٸش تاقتانى سالتاناتتى تٷردە اشتى.
سودان كەيٸن قۇرمەت قاراۋىلى روتاسى اٶسشك تۋىن كٶتەردٸ. مەملەكەت باسشىسى جاڭا شتاب-پەتەردەگٸ جۇمىس كابينەتتەرٸن, open space اۋماعىن, اۋدارماشىلار كەڭسەسٸن, تٶراعالىق زالىن جەنە مۋزەي-كٸتاپحانا بٶلمەلەرٸن ارالاپ كٶردٸ.
پرەزيدەنت ٸس-شاراعا جينالعان قاۋىم الدىندا سٶز سٶيلەپ, ەلٸمٸزدەگٸ ديپلوماتييا سالاسىنىڭ قىزمەتكەرلەرٸ مەن ارداگەرلەرٸن كەسٸبي مەرەكەلەرٸمەن قۇتتىقتادى.
"بابالارىمىز عاسىرلار بويى "دالا ديپلوماتيياسىمەن" ٶمٸر سٷرگەن. حالقىمىزدىڭ مەمٸلەگەرلٸك دەستٷرٸنٸڭ ارقاسىندا ۇلى دالادا بەيبٸت ٶمٸردٸڭ ەرەكشە ٷلگٸسٸ قالىپتاسقان. قۇرمەت پەن سىيلاستىق قاشاندا قاستەرلٸ قۇندىلىق رەتٸندە باعالانعان. ەرتەدەن كەلە جاتقان وسى قاعيدا – سىرتقى ساياساتىمىزدىڭ مىزعىماس تٸرەگٸ ەرٸ اينىماس تەمٸرقازىعى", – دەدٸ مەملەكەت باسشىسى.
پرەزيدەنت استانادا ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس شتاب-پەتەرٸنٸڭ اشىلۋىن شىن مەنٸندە ەلەۋلٸ تاريحي ۋاقيعا رەتٸندە اتاپ ٶتتٸ.
"وتىز جىلدان اسا ۋاقىت بۇرىن قازاقستان ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەستٸ قۇرۋ باستاماسىن كٶتەردٸ. بۇل حالىقارالىق قوعامداستىق تاراپىنان تۇراقتىلىق پەن قاۋٸپسٸزدٸكتٸ نىعايتۋ جولىندا ٶڭٸر ەلدەرٸنٸڭ كٷش-جٸگەرٸن بٸرٸكتٸرۋ ٷشٸن دەر كەزٸندە جاسالعان قادام رەتٸندە كەڭ قولداۋعا يە بولدى. بٸز ەۋەل باستا تەك ىنتىماقتاستىق, ٶزارا تٷسٸنٸستٸك پەن ديالوگ ارقىلى عانا بەيبٸتشٸلٸك پەن تۇراقتىلىقتى ساقتاپ, ٶسٸپ-ٶركەندەي الاتىنىمىزعا سەندٸك. ۇيىمنىڭ سەنٸم شارالارىن نىعايتۋ قاعيداتى قازٸرگٸ زاماندا اسا ٶزەكتٸ. ازييانىڭ 90 پايىزىن قامتيتىن جەنە ەلەم حالقىنىڭ جارتىسىنان استامىن بٸرٸكتٸرەتٸن اٶسشك حالىقارالىق قاتىناستاردىڭ دامىپ كەلە جاتقان ارحيتەكتۋراسىنداعى ماڭىزدى ەلەمەنتكە اينالدى", – دەدٸ قاسىم-جومارت توقاەۆ.
پرەزيدەنت گەوساياسي شيەلەنٸستٸڭ ٶرشۋٸ مەن كٶپجاقتىلىق قاعيداتتارىنىڭ ەلسٸرەۋٸ ٶڭٸرلٸك جەنە جاھاندىق تۇراقتىلىققا ەدەۋٸر قاۋٸپ تٶندٸرەتٸنٸنە نازار اۋداردى.
"ەلەم بۇرىن-سوڭدى بولماعان كٷردەلٸ ٷدەرٸستەرمەن بەتپە-بەت كەلٸپ وتىر. ونى بايىپپەن زەردەلەپ, تەرەڭ تٷسٸنۋ قاجەت. شىن مەنٸندە, حالىقارالىق قۇقىقتىڭ نەگٸزدەرٸ بٸرتٸندەپ كٷيرەپ, ٶزدەرٸن زاڭ تالاپتارىنان جوعارى قوياتىن كٷشتەر پايدا بولا باستادى. مۇنداي جاعدايدا بارلىق ەلدٸڭ حالىقارالىق قۇقىق پەن بۇۇ جارعىسى قاعيداتتارىن قاتاڭ ساقتاپ, ورتاق نورمالاردى بٸرجاقتى تەپسٸرلەمەۋٸ ماڭىزدى", – دەدٸ مەملەكەت باسشىسى.
قاسىم-جومارت توقاەۆتىڭ ايتۋىنشا, قازاقستان اۋقىمدى ساياسي جەنە ەكونوميكالىق رەفورمالاردى جٷيەلٸ تٷردە جٷزەگە اسىرۋعا نيەتتٸ.
"مەنٸڭ پرەزيدەنت رەتٸندەگٸ ۇستانىمىم – ەلٸمٸزدە زاڭ مەن تەرتٸپ مىزعىماس قاعيداتقا اينالۋعا تيٸس. جٷرگٸزٸلگەن رەفورمالار نەتيجەسٸندە بەيبٸت جينالىستار تۋرالى زاڭ جەتٸلدٸرٸلٸپ, ساياسي پارتييالاردى تٸركەۋ شەگٸ تٶمەندەتٸلدٸ. جالا جابۋدى قىلمىس ساناتىنان شىعارىپ, ٶلٸم جازاسىن الىپ تاستادىق. بۇل شارالار ەلٸمٸزدٸڭ دەموكراتييا قۇندىلىقتارىنا, زاڭ ٷستەمدٸگٸنە ەردايىم بەيٸل ەكەنٸن كٶرسەتەدٸ", – دەدٸ قاسىم-جومارت توقاەۆ.
