Prezident Qasym-Jomart Toqaev Qazaqstannyń 11 aimaǵynda jańadan 20 bógen salynatynyn aitty, - dep habarlaidy Dalanews.kz.
Toqaev apattarǵa qarsy kúrestiń tiimdi júiesin qurýdy kózdeitin kúrdeli sharýa sheshimin tabýy keregin aitady. Sondyqtan tabiǵat apattarymen kúresetin pármendi sharalar qabyldaý úshin memleket pen ǵylymnyń yqpaldastyǵyn is júzinde qaitadan túzý qajet.
"Meniń tapsyrmammen Tarazdaǵy Qazaq gidromelioratsiia-qurylys institýty qaita qurylady. Sondai-aq Almatydaǵy Seismologiia institýtynyń áleýeti kúsheiedi. Klimat ózgeristerin zerttep, tejeýge airyqsha nazar aýdarylady. Sý sharýashylyǵy salasyn basqarý júiesi, onyń ishinde "QazSýShar", "Nura toptyq sý qubyry" siiaqty kompaniialar da túgel qaita qurylady
Eldegi bógetter men bógenderdiń barlyǵy derlik ótken ǵasyrdyń 50-70 jyldary salynǵan. Zaman talabyna sai sý qoimalary tapshy bolǵandyqtan, biylǵy tasqynnyń zardaby tipti aýyr boldy. Sondyqtan Qazaqstannyń 11 aimaǵynda jańadan 20 bógen salynady, taǵy 15-ine kúrdeli jóndeý júrgiziledi. Sonda 134 eldi mekendi sý basý qateri edáýir azaiady.
Sý resýrstaryn basqarý júiesin damytý tujyrymdamasyna tasqynnyń aldyn alý jáne onyń saldaryn azaitý sharalary qosylady. Bul sharalar halyqaralyq tájiribeni eskere otyryp ázirlenedi", - dedi Prezident.
