پرەزيدەنت قاسىم-جومارت توقاەۆ قازاقستاننىڭ 11 ايماعىندا جاڭادان 20 بٶگەن سالىناتىنىن ايتتى, - دەپ حابارلايدى Dalanews.kz.
توقاەۆ اپاتتارعا قارسى كٷرەستٸڭ تيٸمدٸ جٷيەسٸن قۇرۋدى كٶزدەيتٸن كٷردەلٸ شارۋا شەشٸمٸن تابۋى كەرەگٸن ايتادى. سوندىقتان تابيعات اپاتتارىمەن كٷرەسەتٸن پەرمەندٸ شارالار قابىلداۋ ٷشٸن مەملەكەت پەن عىلىمنىڭ ىقپالداستىعىن ٸس جٷزٸندە قايتادان تٷزۋ قاجەت.
"مەنٸڭ تاپسىرماممەن تارازداعى قازاق گيدرومەليوراتسييا-قۇرىلىس ينستيتۋتى قايتا قۇرىلادى. سونداي-اق الماتىداعى سەيسمولوگييا ينستيتۋتىنىڭ ەلەۋەتٸ كٷشەيەدٸ. كليمات ٶزگەرٸستەرٸن زەرتتەپ, تەجەۋگە ايرىقشا نازار اۋدارىلادى. سۋ شارۋاشىلىعى سالاسىن باسقارۋ جٷيەسٸ, ونىڭ ٸشٸندە "قازسۋشار", "نۇرا توپتىق سۋ قۇبىرى" سيياقتى كومپانييالار دا تٷگەل قايتا قۇرىلادى
ەلدەگٸ بٶگەتتەر مەن بٶگەندەردٸڭ بارلىعى دەرلٸك ٶتكەن عاسىردىڭ 50-70 جىلدارى سالىنعان. زامان تالابىنا ساي سۋ قويمالارى تاپشى بولعاندىقتان, بيىلعى تاسقىننىڭ زاردابى تٸپتٸ اۋىر بولدى. سوندىقتان قازاقستاننىڭ 11 ايماعىندا جاڭادان 20 بٶگەن سالىنادى, تاعى 15-ٸنە كٷردەلٸ جٶندەۋ جٷرگٸزٸلەدٸ. سوندا 134 ەلدٸ مەكەندٸ سۋ باسۋ قاتەرٸ ەدەۋٸر ازايادى.
سۋ رەسۋرستارىن باسقارۋ جٷيەسٸن دامىتۋ تۇجىرىمداماسىنا تاسقىننىڭ الدىن الۋ جەنە ونىڭ سالدارىن ازايتۋ شارالارى قوسىلادى. بۇل شارالار حالىقارالىق تەجٸريبەنٸ ەسكەرە وتىرىپ ەزٸرلەنەدٸ", - دەدٸ پرەزيدەنت.
