Qazaqstan respýblıkasynyń prezıdenti Qasym-Jomart Toqaev halyqty musylmandardyń qasıetti merekesi oraza aıtpen quttyqtady, dep habarlaıdy Dalanews.kz

Bul – búkil musylman qaýymy úshin mán-mańyzy erekshe, qasıetti mereke. Osy meıramda rýhanı tazarý men parasattylyq, sabyrlyq pen qanaǵatshyldyq, ózara syılastyq pen tilektestik, janashyrlyq pen jaqsylyq qundylyqtary dáripteledi. 

Otyz kún oraza tutqan jurt ımanyn baıytyp, kemeldikke umtylady. Tózimin shyńdap, tóńiregine qamqorlyq tanytady. Igi isterge uıytqy bolyp, muqtaj jandarǵa qol ushyn sozady. 

Sonymen qatar, memleket basshysy bıylǵy Oraza aıt meıramy Naýryz merekesimen qatar kelgenin aıtyp, onyń el damýyndaǵy jańa tarıhı kezeńniń jarshysyna aınalǵanyn atap ótti.

Qazaqstan halqy Jańa Ata zańdy qabyldap, jarqyn bolashaqqa, Ádilettilik pen Órkendeýge bastaıtyn joldy tańdady. Konstıtýsıalyq reformany jappaı qoldaý arqyly ult tarıhynyń jańa paraǵyn ashty. Barshańyzǵa zor densaýlyq, baq-bereke, tolaıym tabys tileımin! - dep qorytyndylady prezıdent.